އަންހެނުންގެ 100 މީޓަރު ފްރީސްޓައިލް ލޯންގްކޯސް އިވެންޓުގެ ޤައުމީ ރެކޯޑު އާކުރުމަށް ދިވެހި ފެތުންތެރިޔާ އާއިޝަތު އުލްޔާ ޝާއިގު ވަނީ ކާމިޔާބު ވެފައެވެ.
އޮސްޓްރޭލިއާގެ ދަ ޔުނިވަރސިޓީ އޮފް ވެސްޓަރން އޮސްޓްރޭލިއާ ވެސްޓްކޯސްޓް ސްވިމިންގ ކްލަބް (ޔޫ.ޑަބްލިއު.އެސް.ސީ) ގެ ކްލަބް ނައިޓް ނަންބަރު 5 ގައި ބޭއްވުނު މުބާރާތެއްގައި އުލްޔާ ވަނީ މި އައު ރެކޯޑު ޤާއިމުކޮށްފައެވެ. އޭނާ މި ރޭސް ފުރިހަމަކުރީ 1 މިނެޓާއި 4.32 ސިކުންތުގެ ފާހަގަކޮށްލެވޭ ވަގުތެއްގައެވެ.
މީގެ ކުރިން މި އިވެންޓުގެ ޤައުމީ ރެކޯޑު އޮތީ އަމްނާ ތަޒްކިޔާ މިރުޞާދުގެ ނަމުގައެވެ. އޭނާ މި ރެކޯޑު ޤާއިމުކުރީ 2022 ވަނަ އަހަރު ސްރީލަންކާގައި ބޭއްވުނު އެ ޤައުމުގެ ނެޝަނަލް އަދި ޖޫނިއަރ ނެޝަނަލް ލޯންގްކޯސް ސްވިމިންގ ޗެމްޕިއަންޝިޕްގައި 1 މިނެޓާއި 5.03 ސިކުންތުގެ ވަގުތަކުންނެވެ.
އުލްޔާގެ މި އައު ރެކޯޑަކީ ކުުރީގެ ރެކޯޑަށްވުރެ 0.71 ސިކުންތު އަވަސް ވަގުތެކެވެ. މިއީ ދިވެހި ފެތުންތެރިންގެ ހުނަރުވެރިކަމާއި ކުޅަދާނަކަން އިތުރަށް ހާމަކޮށްދޭ ކާމިޔާބީއެކެވެ.
Maldives Aquatics 🇲🇻@MDVaquaticsUlya renews the national record of 100m Freestyle event!
swimming.org.mv/7598/
އަލީ އީސާ
އާދިލް
ފާއިޒް
އިދުރީސް
އަނޫޝާ