މަރާމާތަށް ރަސްފަންނު ބަންދުކުރުމަށްފަހު، މިވަގުތު އެތަނަށް ގެންނަންޖެހޭ ބަދަލުތައް ގެނެސް ރަސްފަންނު އާންމުންނަށް ހުޅުވާލައިފިއެވެ.
އާންމުނަށް ރަސްފަންނު ހުޅުވާލިއިރު، ރައީސުލްޖުމްހޫރިއްޔާ ޑރ.މުހައްމަދު މުއިއްޒު މިއަދު ވަނީ އެސަރަހައްދަށް ވަޑައިގެން މަސައްކަތްތައް ކޮށްފައިހުރިގޮތް ބައްލަވާލައްވާފައެވެ. މަރާމާތުގެ މަަސައްކަތްތައް ކުރުމަށް ރަސްފަންނު ބަންދުކޮށްފައިވަނީ ހުސްވި ފެބުރުއަރީމަހުގެ ފަހުކޮޅެވެ.
ރައީސް ޑރ.މުހައްމަދު މުއިއްޒު ވިދާޅުވެފައިވަނީ، ކުރިން އެތަން އޮތް ވަރަށްވުރެ ފުރިހަމަޔަށް ތަރައްޤީކޮށްދެއްވާނޭކަމަށެވެ. ރަސްފަންނު ތަރައްޤީކުރުމުގެ މަސައްކަތް ކަމާބެހޭ ފަރާތްތަކުން ފަށާފައިވާއިރު، މިވަގުތައް ރަސްފަންނު އާންމުނަށް ބޭނުންކުރެވޭ ގޮތަށް ހުޅުވާލާފައިމިވަނީ ރަމަޟާންމަހު ރައްޔިތުންނަށް ފަސޭހަޔަކަށެވެ.
އާންމުނަށް ރަސްފަންނު ބޭނުންކުރެވޭގޮތަށް މިއަދު ހުޅުވާލިއިރު، ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވުޒާރާއިން މިއަދު ވަނީ އެ ސަރަހައްދު ސާފްކުރުމުގެ މަސައްކަތް ފަށާފައެވެ. ރަސްފަންނު ސާފުކުރުމުގެ މަސައްކަތްތައް ފަށާފައިވާއިރު، މާލެސިޓީ ކައުންސިލުން ވަނީ ރަސްފަންނު މޫދަށް އެރިއުޅޭ ސަރަހައްދުން ކިސަޑް ނެގުމުގެ މަސައްކަތްވެސް ކުރިއަށް ގެންގޮސްފައެވެ.
މާލޭގައި ދިރިއުޅޭ ރައްޔިތުންނަށް ބަރަކާތްތެރި ރަމަޟާން މަހު ރަސްފަންނު ބޭނުން ކުރެވޭނެ ގޮތެއް ހެދުމަށްޓަކައި އެ ސަރަޙައްދު ސާފުކުރުމުގެ މަސައްކަތް @MoCLPmv އިން މިވަނީ ފަށާފައި. pic.twitter.com/I73qkhZCVN
Advertisement— Adam Shareef Umar (@Adamshareefz) March 6, 2025
ކިޔުންތެރިންގެ ހިޔާލު