ޓްރީ ޓޮޕް ހޮސްޕިޓަލުން ރަމަޟާން މަހުގެ ޚިދުމަތްދޭ ގަޑިތައް ރަސްމީކޮށް އިޢުލާނުކޮށްފިއެވެ.
ހޮސްޕިޓަލުން ހާމަކުރި މަޢުލޫމާތުގައިވާ ގޮތުން، އޯޕީޑީ އަދި މާލޭ ކުލިނިކުގެ ޚިދުމަތްތައް ހޮނިހިރު ދުވަހުން ފެށިގެން ބުރާސްފަތި ދުވަހާ ހަމައަށް ކޮންމެ ދުވަހަކު ހެނދުނު 10:00 އިން މެންދުރުފަހު 15:00 އަށް އަދި ރޭގަނޑު 20:30 އިން 23:00 އަށް ލިބެން ހުންނާނެއެވެ. ނަމަވެސް ހުކުރު ދުވަހަކީ ބަންދު ދުވަހެކެވެ.
އަދި ހަމައެހެންމެ، ޓްރީ ޓޮޕްގެ ފެމިލީ ކުލިނިކުގެ ޚިދުމަތްތައް ހޮނިހިރު ދުވަހުން ފެށިގެން ބުރާސްފަތި ދުވަހާ ހަމައަށް ހެނދުނު 10:00 އިން ހަވީރު 17:00 އަށް އަދި ރޭގަނޑު 20:30 އިން 00:00 އަށް ލިބެން ހުންނާނެއެވެ. ހުކުރު ދުވަހު ފެމިލީ ކުލިނިކުގެ ޚިދުމަތްތައް ރޭގަނޑު 20:30 އިން 23:00 އަށް ލިބޭނެއެވެ.
މީގެ އިތުރުން، ޓްރީ ޓޮޕް ހޮސްޕިޓަލުގެ އިމަޖެންސީ ޑިޕާޓްމަންޓުން 24 ގަޑިއިރު އަވަސް ފަރުވާގެ ޚިދުމަތް ފޯރުކޮށްދޭނެ ކަމަށް ހޮސްޕިޓަލުން އަންގާފައިވެއެވެ.
ކިޔުންތެރިންގެ ހިޔާލު