ރާއްޖެ ޓީވީއާ ގުޅޭ މައްސަލައެއް ބްރޯޑްކާސްޓިން ކޮމިޝަނުން ބަލަން ފަށައިފިއެވެ.
އެ ކޮމިޝަނުން ބަލަމުން ދަނީ ސަރުކާރުގެ ކަންކަމަށް ފާޑު ކިޔައި، ރާއްޖެ ޓީވީން ދެއްކި ލަވައެއްގެ މައްސަލައެވެ.
މި ލަވަ ރިލީޒް ކުރީ އިދިކޮޅު އެމްޑީޕީން ދާދިފަހުން ބޭއްވި “ފުދިއްޖެ، ފުނޑިއްޖެ” ހިނގާލުމުގެ ކަވަރޭޖުގެ ތެރެއިންނެވެ.
އެ ޓީވީގެ އިސް ބޭފުޅެއް ކަމަށްވާ އާމިރު ސަލީމް ތައްޔާރުކޮށްފައިވާ ޅެމަކަށް ހަދާފައިވާ އެ ލަވަ އެ ޗެނަލުން އަންނަނީ ކޮންމެ ދުވަހަކު ދައްކަމުންނެވެ.
ބްރޯޑްކާސްޓިން ކޮމިޝަނުން ރާއްޖެ ޓީވީއަށް އިއްޔެ އަންގާފައިވަނީ އެ ލަވައިގެ ކޮންޓެންޓް އެ ކޮމިޝަނުން ބަލަމުންދާ ކަމަށެވެ.
ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ވެރިކަމުގައި ވެސް ރާއްޖެ ޓީވީގެ ގިނަ މައްސަލަތަކެއް ބެލިއެވެ. އެ މައްސަލަތައް ބަލައި ބޮޑެތި އަދަދުތަކުން އެ ޓީވީ ބޮޑެތި ޖޫރިމަނާ ކުރިއެވެ. ނަމަވެސް މިދިޔަ ސަރުކާރުން ވަނީ އެ ނިންމުންތައް ބާތިލްކޮށް އެ ފައިސާތައް އަނބުރާ ދީފައެވެ.
ކިޔުންތެރިންގެ ހިޔާލު