ޓްރީ ޓޮޕް ހޮސްޕިޓަލުން އިންތިޒާމުކޮށްގެން ކުރިއަށް ގެންދާ ނާޗަރ ޕްރޮގްރާމްވަނީ މި އަހަރުގެ ފުރަތަމަ ފަހަރަށް، ޖެނަވަރީ މަހުގެ 25ވަނަ ދުވަހުގައި ކާމިޔާބުކަމާއެކު ކުރިއަށްގެންގޮސްފައިއެވެ. މި ޕްރޮގްރާމުގެ ތެރެއިން، މާބަނޑު، އަދި އަލަށް ކުދިން ލިބިފައިވާ ފަރާތްތަކަށް މުހިއްމު މަޢުލޫމާތާއި އެހީތެރިކަން ފޯރުކޮށްދެވުނެވެ. މި ޕްރޮގްރާމް ފަރުމާ ކޮށްފައިވަނީ ތަޖުރިބާކާރުންގެ އިރުޝާދާއި ޢަމަލީ ލަފާ މައިންބަފައިނަނަށް ފޯރުކޮށްދިނުމުގެ މަގްސަދުގައެވެ.
ޕްރޮގްރާމުގެ ތެރެއިން ކުރިއަށް ގެންގޮސްފައިވާ އިންޓަރެކްޓިވް ސެޝަންތައް ނަންގަވައިދެއްވާފައިވަނީ ގިނަ ދާއިރާތަކުގެ މާހިރުންގެ ޓީމަކުންނެވެ. މީގެ ތެރޭގައި ކޮންސަލްޓަންޓް އޮބްސްޓެޓްރިކްސް އެންޑް ގައިނޮކޮލޮޖީ ޑރ. މުނުސްވާމީ ނާރާޔަން ސަމްޕަތު، ކޮންސަލްޓަންޓް ނިއޮނޭޓޮލޮޖިސްޓް (އަލަށް ވިހާ ކުޑަކުދިންގެ ހާއްސަ) ޑރ. ސަރްފަރާޒް ރަފީޤް އަޙްމަދު މޮމޮން އަދި ޕީޑިއެޓްރިކްސް، ފިޒިއޮތެރަޕީ، ޑަރމެޓޮލޮޖީ އަދި ނާރސިންގ ދާއިރާގެ ތަޖުރިބާކާރުން ހިމެނެއެވެ.
މި ޕްރޮގްރާމުގައި މުހިއްމު ގިނަ މައުޟޫތަކެއް ހިމެނުނެވެ. މީގެ ތެރޭގައި ގާތުންދިނުން، ވިހެއުމާއި ގުޅުންހުރި ކަންތައްތައް، އަލަށް ވިހާ ތުއްތުކުދިން ބެލުމުގެ އިރުޝާދާއި، މާބަނޑު ދުވަސްވަރުގެ ރިހުން މެނޭޖްކުރުން، ވިހެއުމުގެ ކުރިއާއި ފަހުގެ ފިޒިއޮތެރަޕީ، މައިންގެ ހަމުގެ ފަރުވާ، އަދި ތުއްތުކުދިން ފެންވެރުވުމާ ގުޅޭ މައުލޫމަތު ހިމެނެއެވެ. މި އިންޓަރެކްޓިވް ސެޝަންތަކުގައި މައިންބަފައިންނަށް ސުވާލުކުރުމާއި ޞިއްޙީ ފަންނުވެރިންގެ ފަރާތުން އަގުހުރި މަޢުލޫމާތު ހޯދުމުގެ ފުރުޞަތު ލިބިގެންދިއައެވެ.
ނާޗަރ ޕްރޮގްރާމް ނިމިގެން ދިއައީ ޑރ. މުނުސްވާމީ ނާރާޔަން ސަމްޕަތު އަދި ޑރ. ސަރްފަރާޒް ރަފީޤް އަޙްމަދު މޮމޮން އިސްވެ ހުންނަވައިގެން ކުރިއަށް ގެންދެވުނު ސުވާލާއި ޖަވާބު ސެޝަނަކުންނެވެ. މި ސެޝަނުގައި މައިންބަފައިންގެ ކަންބޮޑުވުންތަކާ ގުޅޭގޮތުން ސުވާލުކުރުމާއި ތަޖުރިބާކާރުންގެ ލަފާ ހޯދުމުގެ ފުރުޞަތު ލިބިގެންދިއައެވެ.
ޓްރީ ޓޮޕް ހޮސްޕިޓަލަކީ ދިވެހިރާއްޖޭގެ ޞިއްޙީ ޚިދުމަތުގެ ދާއިރާގައި އިސް ދައުރެއް އަދާކުރަމުން އަންނަ ހޮސްޕިޓަލްއެކެވެ. މި ހޮސްޕިޓަލުގެ މައިގަނޑު އަމާޒަކީ އައު އުސޫލުތަކާއި ޚިދުމަތްތައް ތަޢާރަފުކޮށް، ދިވެހި ރައްޔިތުން ބޭރު ޤައުމުތަކަށް ޞިއްޙީ ފަރުވާ ހޯދަން ދާންޖެހޭ ސަބަބު މަދުކުރުމާއި، ޞިއްޙީ ޚިދުމަތުގެ ޚަރަދުތައް ކުޑަކުރުމެވެ. އެންމެ ޒަމާނީ ޓކްނޮލޮޖީއާއި ފުރިހަމަ ލެބޯޓަރީ ޙިދުމަތްތަކާއި އެކު، ޓްރީޓޮޕް ހޮސްޕިޓަލުގެ ތަޖުރިބާކާރު ސްޕެޟިއަލިސްޓުންނާއި ސިއްޙީ ދާއިރާގައި އެކި ނަން މަޟްހޫރު ދާއިރާތަކުން ޙާއްސްވެފައިވާ ޑޮކްޓަރުންގެ އަމާޒަކީ ދިވެހިރާއްޖޭގެ ރައްޔިތުންނަށް ގިނަގުނަ ޟިއްހީ ޙިދުމަތްތަކެއް ފޯރުކޮށްދިނުމެވެ.
ކިޔުންތެރިންގެ ހިޔާލު