ބެންޖޯގެ ކޯޗުކަމުގައި މުބާރާތުގައި އެންމެ ތަފާތު ކުޅުމެއް ދައްކަމުން އައި ދެއްވަދޫއިން ތަށި ނެގީ 9-1 ލަނޑުން ވިލިނގިލި ބަލިކޮށްގެންނެވެ. މި މުބާރާތަކީ ރާއްޖޭގައި މިހާތަނަށް ބާއްވާ އެންމެ ބޮޑު ފުޓްސަލް މުބާރާތެވެ.
މުބާރާތުގެ މި ޒޯނުގެ އެންމެ މޮޅު ކުޅުންތެރިޔާއާއި އެންމެ ގިނަ ގޯލްޖެހި ކުޅުންތެރިޔާގެ ޝަރަފް ވެސް ހޯދީ ދެއްވަދޫ ޓީމުންނެވެ. އެއީ އެ ޓީމުގެ ޖަރޒީ ނަންބަރު 20 އަހުނަފް ރަޝީދެވެ.
ފައިނަލް މެޗުގައި ދެއްވަދޫގެ ދެ ކުޅުންތެރިން ހެޓްރިކް ހެދިތަން ފެނިގެން ދިޔައެވެ. އަހުނަފް ރަޝީދު (އަހުއްކޮ) ހެޓްރިކެއް ހެދިއިރު އަނެއް ހެޓްރިކް ހެދީ ޝިފާޒް އަލީ (މަޓާ ތުއްތު) އެވެ. މީގެ އިތުރުން، ރާހިލް ރަޝީދު (ރާއްކޮ) ދެ ލަނޑު ޖެހިއިރު އަނެއް ލަނޑު ދެއްވަދޫ އަށް ޖަހައިދިނީ ނަސޫޙް ސަޢީދު (ނަސުއްޓެ) އެވެ.
ވިލިނގިލީގެ ސުން ކަނޑުވައިދިނީ ދެވަނަ ހާފުގައި އިބްރާހިމް ޒިމާން އަޙްމަދެވެ. ނަމަވެސް، މި އެންމެ ލަނޑުން ވިލިނގިލީގެ ޓީމަށް މެޗުގައި ވާދަކުރެވޭ ވަރެއް ނުވިއެވެ.
މި ކާމިޔާބީއާއެކު، ދެއްވަދޫ ޓީމުން ގއ. އަތޮޅުގެ ފުޓްސަލް ތަށި އުފުލާ، އަތޮޅުގެ ޗެމްޕިއަންކަން ހޯދައިފިއެވެ. މި ނަތީޖާއިން ދެއްވަދޫގެ ފުޓްސަލް ޓީމުގެ ހުނަރުވެރިކަމާއި ވަރުގަދަކަން ހާމަވެގެން ދިޔައެވެ.
ކިޔުންތެރިންގެ ހިޔާލު