ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިންނަމާދޫ ރައްޔިތުންނާ ބައްދަލުކުރައްވައި ދެއްކެވި ވާހަކަފުޅުގައި، އޮޑިދޯނިފަހަރު ބަނުމުގެ ދާއިރާ ކުރިއެރުވުމަށް މުހިންމު ފިޔަވަޅުތަކެއް އަޅުއްވާނެކަމަށް އިޢުލާނުކުރެއްވިއެވެ. މި ފިޔަވަޅުތަކުގެ ތެރޭގައި:
1. ވަޑިންނަށް ރަހުނަކާ ނުލައި ލޯނު ލިބޭނެ އިންތިޒާމު ހަމަޖެއްސެވުން.
2. އިންނަމާދޫގައި މި ދާއިރާއަށް މީހުން ބިނާކުރުމަށް ޚާއްސަ މަރުކަޒެއް ތަރައްޤީކުރެއްވުން.
3. އޮޑިދޯނިފަހަރު ބަނުމުގެ ދާއިރާ ދިވެހިންނަށް އިސްކަންދޭ ދާއިރާއެއްގެ ގޮތުގައި ކަނޑައެޅުއްވުން.
4. ކައުންސިލްތަކަށް 20 އަހަރުގެ މުއްދަތަށް ބިން ކުއްޔަށް ދެވޭނެ ގޮތް ހަމަޖެއްސެވުން.
މީގެ އިތުރުން، އިންނަމާދޫގެ އެހެނިހެން ތަރައްޤީގެ މަޝްރޫޢުތަކަށްވެސް އަލިއަޅުއްވާލެއްވިއެވެ. މީގެ ތެރޭގައި:
– 50 ޔުނިޓުގެ ހައުސިންގ މަޝްރޫޢެއް ހިންގެވުން.
– ސްކޫލަށް ޖާގަ އިތުރުކޮށް ވަސީލަތްތައް ޤާއިމުކުރެއްވުން.
– ސިއްޙީ މަރުކަޒުގެ ޖާގަ އިތުރުކޮށް ޚިދުމަތްދޭ ވަގުތު އިތުރުކުރެއްވުން.
– ކުޅިވަރުގެ ވަސީލަތްތައް ޤާއިމުކުރެއްވުން.
– ގިރާ ސަރަޙައްދު ހިމާޔަތްކުރެއްވުން.
– ނަރުދަމާ ނިޒާމުގެ މައްސަލަތައް ހައްލުކުރެއްވުން.
ރައީސުލްޖުމްހޫރިއްޔާ ވަނީ މި ހުރިހާ މަޝްރޫޢުތަކެއް ދެ އަހަރު ދުވަހުގެ ތެރޭގައި ފުރިހަމަކޮށް ނިންމަވާނެކަމުގެ ޔަޤީންކަން ދެއްވާފައެވެ.
ކިޔުންތެރިންގެ ހިޔާލު