މިއަހަރުގެ ރޯދަ މަހު އިނާޔަތެއްގެ ގޮތުން ކޮންމެ ގޭބީސީއަކަށް 48 ދަޅުގެ މަސް ކޭހެއް ދޭން ނިންމާފައިވާ ކަމަށް މިފްކޯ އިން މިއަދު ހާމަކޮށްފިއެވެ.

މި ރަމަޟާން މަހު ރާއްޖޭގެ ކޮންމެ ގޭބިސީއަކަށް މަސްދަޅު ކޭހެއް ހަދިޔާ ކުރައްވާނެ ކަމަށް ރައީސް ޑރ. މުޙައްމަދު މުޢިއްޒު ވަނީ ކުރިން ވިދާޅުވެފައެވެ. އެމަނިކުފާން އެހެން ވިދާޅުވީ ސަރުކާރަށް އެއް އަހަރު ފުރުމާއި ގުޅިގެން މިދިޔަ ނޮވެމްބަރު 17 ވަނަ ދުވަހު ބޭއްވި ރަސްމީ ހަފުލާގައެވެ. މީޑިޔަތަކަށް މައުލޫމާތު ދެއްވަމުން މިފްކޯ އިން ވިދާޅުވުފައިވަނީ ރަމަޟާން މަހު ގޭބިސީތަކަށް މަސްދަޅު ކޭސް ބެހުމަށްޓަކައި ވާންޖެހޭ ތައްޔާރީތަށް ވަމުން އަންނަ ކަމަށެވެ.

ކުރިއަށް އޮތް ރަމަޟާން މަހު ކޮންމެ ގޭބީސީއަކަށް މިކުންފުނިން ދިނުމަށް ހަމަޖެހިފައިވަނީ 48 ދަޅުގެ މަސްކޭހެއް، އެކަމަށްޓަކައި ވާންޖެހޭ ތައްޔާރީތަށްވުމަށް މިހާރު މިދަނީ ވަމުން. މިފްކޯއިން ވިދާޅުވިއެވެ.

މިފްކޯއިން ކޮންމެ ރަމަޟާން މަހަކަށް ލައްކައަކާ ގާތްކުރާ އަދަދަކަށް މަސްދަޅު ކޭސް ތައްޔާރު ކުރެއެވެ. ސަރުކާރުން މިދިޔަ އަހަރު ވަނީ ގޭބިސީތަކުގެ ފެން ބިލާއި ކަރަންޓް ބިލުން ޑިސްކައުންޓް ދެއްވައިފައެވެ. އަދި އޭގެސަބަބުން ގިނަބަޔަކަށް މާލީލުއިތަކެއް ލިބިގެންދިޔެއެވެ.