ނ. ވެލިދޫގައި އިމާރާތް ކުރަމުންދާ ޖޫނިއާ ކޮލެޖުގެ ކަރަންޓު ވަޔަރިންގާއި ނަރުދަމާގެ މަސައްކަތްތައް ކުރިއަށްދާއިރު، މުޅި މަޝްރޫއުގެ 70 އިންސައްތަ މަސައްކަތް މިހާރު ނިމިފައިވާ ކަމަށް އެމްޓީސީސީން ބުނެފިއެވެ.
މި މަޝްރޫއަކީ 11.91 މިލިއަން ރުފިޔާއަށް 2023 ވަނަ އަހަރުގެ އޮގަސްޓް މަހުގެ 11 ވަނަ ދުވަހު އެމްޓީސީސީއާ ހަވާލުކޮށްގެން ކުރިއަށްގެންދާ މަޝްރޫއެކެވެ.
މި ކޮލެޖު އިމާރާތުގެ މަސައްކަތް ނިމޭއިރު، އެ ތަނުގައި ސްމާޓް ކްލާސްރޫމްތަކާއި އައިސީޓީ ލެބޯޓްރީއެއްގެ އިތުރުން ލައިބްރަރީއެއް ހުންނާނެއެވެ. މީގެ އިތުރުން، އެކި ދާއިރާތަކުން ވޮކޭޝަނަލް ޕްރޮގްރާމްތައް ހިންގުމަށް ހާއްސަ މަލްޓިޕާޕަސް ވޯކްޝޮޕްތައްވެސް ވެލިދޫ ޖޫނިއާ ކޮލެޖުގައި ގާއިމުކުރުމަށް ވަނީ ހަމަޖެހިފައެވެ.
ގައުމީ ފެންވަރުގައި މީހުން ތަމްރީންކޮށް ބިނާކުރުމަކީ ސަރުކާރުން ހާއްސަ އިސްކަމެއް ދޭ ކަމެއްކަން ފާހަގަކޮށް، ރާއްޖޭގެ ހަ ސަރަހައްދެއްގައި ޓިވެޓް ސެންޓަރުތައް ތަރައްގީކުރަމުންދާ ކަމަށް އެޑިއުކޭޝަން މިނިސްޓްރީން ވަނީ ބުނެފައެވެ. އެ މަރުކަޒުތަކުގެ އެހީގައި މީހުން ބިނާކުރުމަކީ ރާއްޖެ އެހެން ހަރުފަތަކަށް ގެންދާނެ މަޝްރޫއެއްގެ ގޮތުގައި އެ މިނިސްޓްރީން ސިފަކުރެއެވެ.
ކިޔުންތެރިންގެ ހިޔާލު