ކީރިތި ޤުރްއާން ކިޔެވުމުގެ ޤައުމީ މުބާރާތުން، އެއްވަނަ އަށް އަންނަ ފަރާތްތަކަށް ރައީސުލްޖުމްހޫރިއްޔާ ދެއްވާ ޚާއްޞަ ސްކޮލަރޝިޕުގެ އުސޫލު އާންމުކޮށްފި އެވެ.
މި އުސޫލުގެ ދަށުން ސްކޮލަރޝިޕް ދޭނީ ކީރިތި ޤުރްއާން ކިޔެވުމުގެ ޤައުމީ މުބާރާތުގެ މުޅި މުބާރާތުން ޙާފިޘުންގެ ބައިން އެއްވަނަ ހޯދާ ދިވެހި ރައްޔިތަކަށާއި ކީރިތި ޤުރްއާން ކިޔެވުމުގެ ޤައުމީ މުބާރާތުގެ މުޅި މުބާރާތުން ބަލައިގެން ކިޔެވުމުގެ ބައިން އެއްވަނަ ހޯދާ ދިވެހި ރައްޔިތަކަށާއި ކީރިތި ޤުރްއާން ކިޔެވުމުގެ ޤައުމީ މުބާރާތުގެ މުޅި މުބާރާތުން ނުބަލައި ކިޔެވުމުގެ ބައިން އެއްވަނަ ހޯދާ ދިވެހި ރައްޔިތަކަށެވެ.
ސްކޮލަރޝިޕް ލިބޭ ދަރިވަރުންނަށް ފުރަަތަމަ ޑިގްރީ އަދި މާސްޓަރސް ޑިގްރީ އަދި ޕީއެޗްޑީއަށް ކިޔެވުމުގެ ފުރުުސަތު ލިބޭނެ އެވެ.
އާންމުކޮށްފައިވާ އުސޫލުގައިވާ ގޮތުގައި ސްކޮލަރޝިޕްގެ ދަށުން ގިނަ ޚަރަދުތަކެއް އެ ދަރިވަރަށް ދޭނެ އެވެ. އެގޮތުން ކޯހުގެ ރަޖިސްޓްރޭޝަން ފީ އާއި ޓިއުޝަން ފީ އާއި ސްޓޭޑެންޓް ވީޒާ ފީ އާއި ހެލްތް އިންޝުއަރެންސް އާއި އެސްޓަބްލިޝްމަންޓް އެލަވަންސް އާއި ސްޓައިޕެންޑް ހިމެނެ އެވެ.
މި ސްކީމްގެ ދަށުން ދޭ ސްކޮލަރޝިޕްގެ ދަށުން ރާއްޖޭގެ މަރުކަޒުތަކުގައި ކިޔެވުން ކުރިއަށް ގެންދާ ދަރިވަރުންނަށް ރާއްޖެއަށް އާންމުކޮށް ކަނޑައަޅާފައިވާ ސްޓައިޕެންޑް ރޭޓްގެ އިތުރުން ކޮންމެ މަހަކު 6,000 ރުފިޔާގެ ޚާއްސަ އެލަވަންސްއެއް ދޭނެ އެވެ.
މީގެ އިތުރުން ބުކް އެލަވަންސް އާއި އިންޓަރޝިޕުގެ ޚަރަދާއި ޑިޕާޗަރ އެލަވަންސް އާއި އިންކްލޫސިވިޓީ އެލަވަންސް އަދި ޕީއެޗްޑީއަށް ކިޔަވާ ދަރިވަރުންނަށް އިތުރު އެލަވަންސް ދޭނެ އެވެ.
އާންމުކޮށްފައިވާ އުސޫލުގައި ސްކޮލަރޝިޕް ދިނުމުގައި އަމަލުކުރާނެ ގޮތާއި ދަރިވަރުގެ ޒިންމާ އާއި ސްކޮލަރޝިޕް ފުރުސަތު ކެންސަލްވާ ޙާލަތްތަކާއި ކިޔަވާ ޕްރަގްރާމް ބަދަލުކުރުމާއި ދަރިވަރު ކޯހުން ފެއިލްވެއްޖެނަމަ ނުވަތަ ވަކިވެއްޖެނަމަ އަމަލު ކުރާނެ ގޮތާއި ކޯސް ނިންމުމަށް ފަހު ޚިދުމަތް ކުރުމާއި ގުޅޭ ތަފްސީލްތައް ހިމަނާފައިވެ އެވެ.
ކިޔުންތެރިންގެ ހިޔާލު