މަސްތުވާތަކެތީގެ ވިޔަފާރި ހިންގަން ގެ ދިންކަން ސާބިތުވެ ގޭގެވެރިމީހާ 10 އަހަރަށް ޖަލަށް ލާން ކްރިމިނަލް ކޯޓުން އިއްޔެ ޙުކުމް ކޮށްފި އެވެ.
މިއީ މަސްތުވާތަކެއްޗާބެހޭ ޤާނޫނުގެ 127 ވަނަ މާއްދާގެ ދަށުން ގ.ޕެލިކަން ގޭ ގެ ވެރިފަރާތުގެ މައްޗަށް ކޮށްފައިވާ ދައުވާ އެކެވެ. އެ ގޭގެ ވެރިޔާ އިބްރާހީމް ނާޡިމްގެ މައްޗަށް ދައުވާ އުފުލީ ގެއެއް ނުވަތަ އިމާރާތެއް ނުވަތަ ގެއަކުން ބައެއް މަސްތުވާއެއްޗެއް ޓްރެފިކްކުރުމަށް ނުވަތަ ޕެޑެލް ކުރުމަށް ނުވަތަ އުފެއްދުމަށް ނުވަތަ އެއިން ކަމެއް ކުރުމަށްކަން ޤަބޫލުކުރެވޭ ހާލު ނުވަތަ އެ ގޮތަށް ގަބޫލުކުރާނެ ފުރުސަތު އޮވެ އެތަނެއްގެ ވެރިފަރާތް ނުވަތަ އެތަނެއްގައި އުޅޭ ފަރާތް ނުވަތަ މަސްއޫލިއްޔަތު އުފުލާ ފަރާތުން ހުއްދަ ދިނުމާއި ގުޅިގެންނެވެ.
ކްރިމިނަލް ކޯޓްގެ ގާޒީ މުޙައްމަދު މިޞްބާހު ބެެއްލެވި މި މައްސަލައިގެ ޙުކުމްގައި ވަނީ ގެއެއް ނުވަތަ އިމާރާތެއް ނުވަތަ ގެއަކުން ބައެއް މަސްތުވާއެއްޗެއް ޓްރެފިކްކުރުމަށް ނުވަތަ ޕެޑެލް ކުރުމަށް ނުވަތަ އުފެއްދުމަށް ނުވަތަ އެއިން ކަމެއް ކުރުމަށްކަން ޤަބޫލުކުރެވޭ ހާލު ނުވަތަ އެ ގޮތަށް ގަބޫލުކުރާނެ ފުރުސަތު އޮވެ އެތަނެއްގެ ވެރިފަރާތް ނުވަތަ އެތަނެއްގައި އުޅޭ ފަރާތް ނުވަތަ މަސްއޫލިއްޔަތު އުފުލާ ފަރާތުން ހުއްދަކުރުމުގެ ކުށުން ނާޒިމް ކުށްވެރިވާ ކަމަށެވެ.
އެ ކުށް ސާބިތުވުމުން 10 އަހަރު ދުވަހު މުއްދަތަށް ޖަލަށް ލުމަށް ޙުކުމް ވަނީ ޙުކުމްކޮށްފަ އެވެ.
މިއީ އެ މާއްދާގެ ދަށުން ދަޢުވާކޮށް ސާބިތުވި މި ބާވަތުގެ ފުރަތަމަ މައްސަލައެވެ.
މަސްތުވާތަކެއްޗާއި ދެކޮޅު މަސައްކަތް ވަރަށް ފުޅާކޮށް އެވަބާއިން ރާއްޖެ ސަލާމަތް ކުރުމަށް ސަރުކާރުން ދަނީ ޚާއްސަ މަސައްކަތްތަކެއް ކުރަމުންނެވެ. އެގޮތުން އެ ވިޔަފާރި ހިންގާ މީހުންނާއި އެކަމަށް މަގު ފަހިކުރުވާ މީހުންގެ މައްސަލަތައް ވެސް ދަނީ ބަލަމުންނެވެ.
ކިޔުންތެރިންގެ ހިޔާލު