ބައިނަލްއަޤުވާމީ ޒުވާނުންގެ ދުވަސް ކުލަގަދަކޮށް ފާހަގަކުރުމަށް ހާއްސަ ހަރަކާތްތަކެއް ކުރިއަށްގެންދަން ނިންމައިފިއެވެ.
ޒުވާނުން ބާރުވެރިކުރުވުމާއި، ކުޅިވަރާ ހަށިހެޔޮކަމާ ބެހޭ ވުޒާރާ އިސްނަގައިގެން ގިނަ ޕާޓްނަރުންތަކަކާއެކު ކުރިއަށްގެންދާ، ޒުވާނުންގެ ދުވަހުގެ ހާއްސަ ހަރަކަތާތްތައް އޮންނާނީ މިއަދުން ފެށިގެން މިމަހުގެ 14 އަށް ހުޅުމާލޭ ސެންޓްރަލް ޕާކުގައެވެ.
ކޮންމެ ދުވަހަކު ހަވީރު 4:00 އިން ހަވީރު 6:00 އަށް އަދި ރޭގަނޑު 8:00 އިން 11:00 އަށް ދެ ސެޝަނެއް ކުރިއަށް ގެންދިއުމަށް ވުޒާރާއިން ވަނީ ރާވާފައެވެ.
ކޮމިއުނިޓީ ހޭންގްއައުޓެއްގެ ގޮތުގައި ފަރުމާކޮށްފައިވާ މި އިވެންޓުގައި ލޯކަލް ފުޑް ސްޓޯލްތަކާއި، މަޖާ ގޭމްތަކާއި، ލައިވް ކްރިއޭޓިވް ޕާފޯމަންސްތަކާއި، ޒުވާނުންނަށް އަމާޒުކޮށްގެން ހަރަކާތްތައް ކުރިއަށް ގެންދާނެއެވެ.
ވުޒާރާއިން ބުނީ ޒުވާނުން ގައުމީ ސަޕޯޓް ނެޓްވޯކްތަކާ ގުޅުވާލުމަށް ވުޒާރާގެ ހާއްސަ އިންފޮމޭޝަން ބޫތެއް އެތަނުގައި ހުންނާނެކަމަށެވެ. މި ހަރަކާތްތަކުގައި ބައިވެރިވުމަށް ޒިޔާރަތްކުރާ ފަރާތްތަކަށް ކުރިއަށް އޮތް ގައުމީ ޒުވާނުންގެ ޕްރޮގްރާމްތަކާއި، ގްރާންޓްތަކާއި، ފިޓްނަސް އިނީޝިއޭޓިވްތަކާ ބެހޭ މައުލޫމާތުވެސް ލިބިގެންދާނެއެވެ.
މި އިވެންޓަކީ ޒުވާނުން ބާރުވެރިކުރުވުމާއި، ކުޅިވަރާ ހަށިހެޔޮކަމާ ބެހޭ ވުޒާރާ އާއި އެޗްޑީސީ، ބޭންކް އޮފް މޯލްޑިވްސް، އެސްއެމްއީ، ޑިވެލޮޕްމެންޓް ފައިނޭންސް ކޯޕަރޭޝަން (އެސްޑީއެފްސީ)، އުރީދޫ، ދިރާގު ގޭމަރސް ގިލްޑް، ސްޓެލްކޯ، ވެމްކޯ، ހުޅުމާލެ ހޮސްޕިޓަލް، އެކޯ އިވެންޓްސް އަދި ބިޒްނަސް ސެންޓަރ ކޯޕަރޭޝަން (ބީސީސީ) އަދި އެޑްވެންޗަރ އަޕް އެމްވީއިން ގުޅިގެން ކުރިއަށްގެންދާ ހަރަކާތަކެވެ.
ކިޔުންތެރިންގެ ހިޔާލު