ދެކުނާއި މެދުރާއްޖެތެރޭގެ އަތޮޅުތަކަށް ކުރިއަށް އޮތް ފަސް ދުވަހުވެސް ވިއްސާރަކުރާނެކަމަށް މޫސުމާބެހޭ ޤައުމީ އިދާރާ، މެޓުން ބުނެފިއެވެ.
މެޓް އޮފީހުން ބުނީ ކުރިއަށް އޮތް ފަސް ދުވަހު ރާއްޖޭގެ ދެކުނާއި މެދުރާއްޖެތެރޭގެ ރަށްރަށަށް ވިއްސާރަކުރާނެކަމށް ލަފާކުރެވުނު ނަމަވެސް، ވައިގަދަވެ، ކަނޑުތައް ގަދަވާނެ ކަމަށް ލަފާނުކުރެވޭކަމަށެވެ. އަދި އުތުރުގެ ރަށްރަށަށް މޫސުން އާންމު ގޮތެއްގައި ރަނގަޅުވާނެކަމަށްވެސް މެޓުން ބުންޏެވެ.
މިއީ ހުޅަނގު މޫސުން ފެށޭ ދުވަސްވަރުކަމަށްވުމާއެކު އާންމު ގޮތެއްގައިވެސް މިދުވަސްވަރު ވިއްސާރަކުރެއެވެ.
މޫސުމާ ބެހޭ ޤައުމީ އިދާރާއިން އާންމުކޮށް މިންގަނޑުން ރާއްޖޭގެ ދެކުނުގެ އަތޮޅުތަކަށް މިދިޔަ އަހަރު ހުޅަނގު މޫސުން ފެށުނީ މެއި ހަތެއްގައެވެ. މެދު ރާއްޖެތެރެއަށް ހުޅަނދު މޫސުން ފެށުނީ މިދިޔަ އަހަރުގެ މެއި މަހުގެ 12 ވަނަ ދުވަހުއެވެ. މުޅި ރާއްޖެއަށް މިދިޔަ އަހަރު ހުޅަނގު މޫސުން ފެށުނީ މެއި މަހުގެ 26 ވަނަ ދުވަހުއެވެ.
މެޓުން ވަނީ މޫސުން ގޯސްވެދާނެތީ އާންމުކޮށް ސަމާލުވުމަށް އިލްތިމާސްކޮށްފައެވެ.
ކިޔުންތެރިންގެ ހިޔާލު