ދިވެހިރާއްޖޭގައި ސިއްހީ ފަރުވާދޭ އެންމެ ފެންވަރު ރަނގަޅު އެއް ހޮސްޕިޓަލް ކަމަށްވާ ޓްރީ ޓޮޕް ހޮސްޕިޓަލަކީ ރައްޔިތުންނަށް އެންމެ ޒަމާނީ އަދި ފެންވަރު ރަނގަޅު ސިއްހީ ހިދުމަތްތައް ފޯރުކޮށްދިނުމުގައި އިސް ދައުރެއް އަދާކުރަމުން އަންނަ ހޮސްޕިޓަލެކެވެ.

އެ ހޮސްޕިޓަލަށް އާންމުން ކުރާ އެންމެ ބޮޑު އިތުބާރަކަށް ވެފައިވަނީ ފެންވަރު ރަނގަޅު ގާބިލު ކުޅަދާނަ ޑޮކްޓަރުންނެވެ. އެގޮތުން ފާހަގަކޮށްލެވޭ އެއް ޑޮކްޓަރަކީ އެންޑޯކްރައިނޮލޮޖީ ޑިޕާޓްމަންޓުގައި މަސައްކަތްކުރައްވާ ޑރ. ޕަންކަޖް ޕަޓާވަރެވެ. ޑރ. ޕަންކަޖް އަކީ ހޯމޯންއާއި މެޓަބޮލިކް އާއި ހަކުރުގެ ބަލިތަކަށް ފަރުވާދިނުމުގައި ގިނަ ތަޖުރިބާތަކެއް ހާސިލުކުރައްވައިގެން ހުންނެވި ކުޅަދާނަ ޑޮކްޓަރެކެވެ.

ޑރ. ޕަންކަޖްގެ ތައުލީމާއި ތަޖުރިބާ

ޑރ. ޕަންކަޖް ޕަޓާވަރީ އަކީ އެންޑޯކްރައިނޮލޮޖީގެ ރޮނގުން ހާއްސަ ކޮންސަލްޓަންޓް އަދި ސުޕަ ސްޕެޝަލިސްޓެކެވެ. އޭނާގެ ސިއްހީ ދާއިރާގެ ދަތުރު ފެށިގެން އައީ 2004 ވަނަ އަހަރު އެމްބީބީއެސްއިންނެވެ. 2009 ވަނަ އަހަރު އެމްބީބީއެސް ފުރިހަމަކުރުމަށްފަހު، އިންޓާންޝިޕް އަދި ރޫރަލް ޓްރެއިނިން ފުރިހަމަކުރިއެވެ. އޭގެ ފަހުން އިންޑިއާގެ އާސާމްގައި ހުންނަ ގުވަހާޓީ މެޑިކަލް ކޮލެޖުން މެޑިސިންގެ ރޮނގުން އެމްޑީ ހާސިލުކުރިއެވެ.

މެޑިސިންގެ ދާއިރާއިން ތައުލީމު ހާސިލުކުރުމުގެ ތެރޭގައި، ޑރ. ޕަންކަޖްއަށް ފާހަގަކުރެވުނީ މެޓަބޮލިކް ބަލިތައް ކަމަށްވާ ހަކުރުބަލި، އޮބޭސިޓީ (ފަލަބަލި)، ތައިރޮއިޑް އަދި ޕީސީއޯއެސް ފަދަ ބަލިތައް މުޖުތަމައުގައި ވަރަށް ބޮޑަށް އާންމުވަމުންދާ ކަމެވެ. އެ ބަލިތަކުގެ ސަބަބުން މީހުންގެ އާންމު ދިރިއުޅުމަށް ބޮޑެތި ގެއްލުންތަކެއް ލިބެމުންދާތީ، އެ ދާއިރާއިން އިތުރަށް ކުރިއަރަން އޭނާ ނިންމިއެވެ. އެގޮތުން، ކަލްކަތާގެ އައިޕީޖީއެމްއީއެންޑްއާރް އިން އެންޑޯކްރައިނޮލޮޖީގެ ރޮނގުން ޑޮކްޓޮރޭޓް އޮފް މެޑިސިން (ޑީއެމް) ހާސިލުކުރިއެވެ. އަދި އޭގެ ފަހުން ނިއު ދިއްލީގެ އޭއައިއައިއެމްއެސް އިން އެންޑޯކްރައިނޮލޮޖީގެ ރޮނގުން ޑޮކްޓޮރޭޓް އޮފް ނެޝަނަލް ބޯޑް (ޑީއާރްއެންބީ) ވެސް ފުރިހަމަކުރިއެވެ.

ޑރ. ޕަންކަޖް ޓްރީ ޓޮޕް ހޮސްޕިޓަލާ ގުޅުނީ މިދިޔަ އަހަރުގެ ނޮވެމްބަރު މަހުގައެވެ. ތަޖުރިބާގެ އަލީގައި ރާއްޖޭގެ ގިނަ ބަޔަކަށް ފެންވަރު ރަނގަޅު ފަރުވާއެއް ފޯރުކޮށްދިނުމަކީ އޭނާގެ އެންމެ ބޮޑު އެއް އަމާޒެވެ.

އާންމުކޮށް ފަރުވާދެއްވާ ބަލިތަކާއި ހޯމޯންގެ މައްސަލަތައް

އެންޑޯކްރައިނޮލޮޖީ އަކީ ހަށިގަނޑުގެ ހޯމޯންތަކާއި މެޓަބޮލިޒަމް އާ ގުޅުންހުރި ބަލިތަކަށް ފަރުވާދޭ ހާއްސަ ދާއިރާއެކެވެ. ޑރ. ޕަންކަޖް އެންމެ ގިނައިން ފަރުވާދޭ ބަލިތަކުގެ ތެރޭގައި ހަކުރުބަލި (ޑައިބެޓީސް)، ތައިރޮއިޑްގެ މައްސަލަތައް، ޕީސީއޯއެސް، އަދި ފަލަބަލި (އޮބޭސިޓީ) ހިމެނެއެވެ. މީގެ އިތުރުން، ހެދިބޮޑުވުމުގައި ދިމާވާ މައްސަލަތަކާއި، ބާލިގުވުމުގައި ދިމާވާ އާދަޔާ ހިލާފު ކަންކަމާއި، މައްސަރުކަންތައް ގަވާއިދުން ނުޖެހުން ފަދަ ނާދިރު ހާލަތްތަކަށްވެސް އޭނާ ފަރުވާދެއެވެ.

ހަކުރުބައްޔާއި އޮބޭސިޓީ

ރާއްޖޭގައި ހަކުރުބައްޔާއި ފަލަބަލި (އޮބޭސިޓީ) ދަނީ ވަރަށް ހަލުވިކަމާއެކު އިތުރުވަމުންނެވެ. ޑރ. ޕަންކަޖް ފާހަގަކުރައްވާ ގޮތުގައި، އެ ބަލިތަކަކީ ދުރާލައި ދެނެގަނެވިއްޖެނަމަ ކޮންޓްރޯލްކުރަން ފަސޭހަ ބަލިތަކެކެވެ. ނަމަވެސް ފަރުވާ ނުހޯދައި ދޫކޮށްލައިފިނަމަ، ފެޓީ ލިވާ، ކޮލެސްޓްރޯލް މައްޗަށް ދިއުން، އަދި އިންސިއުލިން ރެސިސްޓެންސް ފަދަ ނުރައްކާތެރި މައްސަލަތަކާ ކުރިމަތިލާން ޖެހެއެވެ. ފަލަބަލީގެ ސަބަބުން ހަށިގަނޑުގައި އިންސިއުލިން ރަނގަޅަށް މަސައްކަތް ނުކުރުމާއި، ކޯޓިޒޯލް ފަދަ ސްޓްރެސް ހޯމޯންތައް އިތުރުވުން ފަދަ ކަންކަން މެދުވެރިވެއެވެ.

ޕީސީއޯއެސް އަދި ތައިރޮއިޑް

އަންހެނުންގެ މެދުގައި ޕީސީއޯއެސް އަކީ ވަރަށް އާންމު ބައްޔެކެވެ. އެ ބަލީގެ ސަބަބުން މައްސަރުކަންތައް ގަވާއިދުން ނުވުން، ހަށިގަނޑު ފަލަވުމާއި، ދަރިމައިވުމަށް ހުރަސްއެޅުން ފަދަ ކަންކަން ދިމާވެއެވެ. ހަމައެއާއެކު، ތައިރޮއިޑް ގްލޭންޑްގެ މައްސަލަތަކަކީވެސް މީހާގެ ހަކަތަ ދަށްކޮށްލައި، ބަރުދަން އިތުރުކޮށްލާ ކަމެކެވެ.

ޑރ. ޕަންކަޖް ވިދާޅުވާ ގޮތުގައި މިފަދަ ހޯމޯނަލް މައްސަލަތައް ކުރީކޮޅު ދެނެގަނެ، ދިރިއުޅުމުގެ އާދަތަކަށް ގެންނަ ބަދަލުތަކާއެކު ފަރުވާ ފެށުމަކީ ވަރަށް މުހިންމު ކަމެކެވެ.

ދިރިއުޅުމުގެ އާދަތަކާއި ބަލިތަކުން ރައްކާތެރިވުން

މެޓަބޮލިކް ބަލިތަކަށް ފަރުވާ ދިނުމުގައި ޑރ. ޕަންކަޖް އެންމެ ބޮޑަށް ބާރުއަޅަނީ ބޭހުގެ އިތުރުން ދިރިއުޅުމުގެ އާދަކާދަތައް ރަނގަޅު ކުރުމަށެވެ. ބަލިމީހުންނަށް ދޭ އެންމެ މުހިންމު އެއް އިރުޝާދަކީ ސިއްހަތަށް ފައިދާހުރި ކާނާ ބޭނުންކުރުމެވެ. އޭގެ ތެރޭގައި ތާޒާ މޭވާއާއި ތަރުކާރީ، ނަޓްސް، ސީޑްސް، އަދި ސީރިއަލް ގިނައިން ބޭނުންކުރުން ހިމެނެއެވެ. މީގެ އިދިކޮޅަށް، މަގުމަތީން ގަންނަން ލިބޭ ތައްޔާރީ ކާނާއާއި، ރިފައިންޑް ކާބޯހައިޑްރޭޓްސް އަދި ހަކުރު ގިނައިން އެކުލެވޭ ބުއިންތަކުން ދުރުހެލިވުމަށް އޭނާ އިރުޝާދުދެއެވެ.

ކެއުމުގެ އިތުރުން، ކަސްރަތު ކުރުމަކީ ހޯމޯންތައް ބެލެންސްކުރުމަށް މުހިންމު ކަމެކެވެ. ޑރ. ޕަންކަޖް ލަފާދެނީ ކޮންމެ ދުވަހަކުވެސް ކޮންމެވެސް ކަހަލަ ކަސްރަތެއް ކުރުމަށެވެ. އެގޮތުން ޖޮގިން، ހިނގުން، މޫދަށް އެރުން، ފަތާލުން، ނުވަތަ ގޭތެރޭގައި ކުރެވޭ ލުއި ކަސްރަތުތައް ކުރުމަކީ މުހިންމު ކަމެކެވެ. އޭގެ އިތުރުން، ދުވާލަކު 8 ގަޑިއިރުގެ ނިދި ހަމަކުރުމާއި، ގިނައިން ފެންބުއިމާއި، ސްޓްރެސް ކުޑަކުރުމަކީވެސް ދިގު މުއްދަތަކަށް ބަލިތައް ކޮންޓްރޯލް ކުރުމަށް އޭނާ ދޭ މުހިންމު އިރުޝާދުތަކެވެ.

ޒަމާނީ ފަރުވާއާއި ކާމިޔާބީގެ ވާހަކަތައް

އެންޑޯކްރައިނޮލޮޖީގެ ދާއިރާއަށް އައިސްފައިވާ ކުރިއެރުންތަކާއެކު، ބަރުދަން ލުއިކުރުމަށާއި ހަކުރުބަލި ކޮންޓްރޯލުކުރުމަށް މިހާރު ވަރަށް ފަސޭހަ ޒަމާނީ ބޭސްތައް ހުރެއެވެ. ޑރ. ޕަންކަޖް ފާހަގަކުރާ ގޮތުގައި، ބަރުދަން ލުއިކުރުމަށް މިހާރު ބޭނުންކުރާ އެންމެ ކާމިޔާބު ބޭސްތަކުގެ ތެރޭގައި ޖީއެލްޕީ-ވަން އެގޮނިސްޓްސް ހިމެނެއެވެ. އޭގެ ތެރޭގައި އޮޒެމްޕިކް އަދި މޮންޖާރޯ ފަދަ އިންޖެކްޝަންތައް ހިމެނެއެވެ. އެ ބޭސްތަކަކީ ހަމައެކަނި ބަރުދަން ލުއިކޮށްދޭ އެއްޗެއް ނޫނެވެ. އޭގެ ސަބަބުން ހަކުރު ކޮންޓްރޯލުވުމަށާއި ހިތުގެ ބަލިތަކުން ދުރުކޮށްދިނުމަށްވެސް އެހީތެރިވެދެއެވެ.

ޑރ. ޕަންކަޖް ވަނީ އޭނާގެ ކާމިޔާބު ތަޖުރިބާއެއްވެސް ހިއްސާކުރައްވައިފައެވެ. އެއީ 130 ކިލޯ ހުރި އަންހެން ބަލިމީހެއްގެ ވާހަކައެވެ. އެ ބަލިމީހާއަށް ކަސްރަތުކޮށްގެން އަދި ކެއުން ކޮންޓްރޯލްކޮށްގެންވެސް ބަރުދަން ލުއިކުރުމަށް އޮތީ ނުކުޅެދިފައެވެ. ސަބަބަކީ އޭނާގެ ހަށިގަނޑުގައި ހުރި ހޯމޯންގެ މައްސަލަތަކާއި އިންސިއުލިން ރެސިސްޓެންސްގެ ސަބަބުން މެޓަބޮލިޒަމް މަސައްކަތް ނުކުރުމެވެ. ނަމަވެސް، ޑރ. ޕަންކަޖްގެ ލަފާގެ މަތިން ޖީއެލްޕީ-ވަން އެގޮނިސްޓް (އޮޒެމްޕިކް ނުވަތަ މޮންޖާރޯ) ބޭނުންކުރަން ފެށުމުން، 8 މަސްދުވަހުގެ ތެރޭގައި އެ ބަލިމީހާގެ ބަރުދަނުގެ 20 އިންސައްތަ ލުއިވިއެވެ. އޭގެ ސަބަބުން އޭނާގެ ކޮލެސްޓްރޯލް އާއި ހަކުރުގެ މިންވަރު ރަނގަޅު ވެ، ފެޓީ ލިވާގެ މައްސަލަ ހައްލުވެ، ހަށިގަނޑަށް ބޮޑު ލުއިކަމަކާއި ހަކަތަ ލިބިގެންދިޔައެވެ. މިއީ ޒަމާނީ ފަރުވާގެ އެހީގައި ލިބުނު ވަރަށް ބޮޑު ކާމިޔާބީއެކެވެ.

ޓްރީ ޓޮޕް ހޮސްޕިޓަލުން ލިބެން ހުރި ފުރިހަމަ ޚިދުމަތްތައް

ޑރ. ޕަންކަޖް ފަދަ ހާއްސަ ޑޮކްޓަރުންގެ ހިދުމަތުގެ އިތުރުން، ޓްރީ ޓޮޕް ހޮސްޕިޓަލަކީ ބަލިމީހުންނަށް ބޭނުންވާނެ ހުރިހާ ހިދުމަތްތަކެއް ލިބޭނެހެން ފަރުމާކުރެވިފައިވާ ޒަމާނީ މަރުކަޒެކެވެ. އެންޑޯކްރައިނޮލޮޖީގެ ބަލިތަކަށް ފަރުވާ ހޯދާ މީހުންނަށް ބޭނުންވާނެ ހުރިހާ ޓެސްޓުތަކާއި ފަރުވާތައް އެ ހޮސްޕިޓަލުން ފުރިހަމައަށް ލިބެން ހުރެއެވެ.

ލެބޯޓަރީ އަދި ރޭޑިއޮލޮޖީގެ ޚިދުމަތްތައް

ހޯމޯންގެ މައްސަލަތައް ދެނެގަތުމަށް ބޭނުންވާ އެންމެ އެޑްވާންސް ލޭގެ ޓެސްޓުތައް ހެދުމަށް ޓްރީ ޓޮޕް ހޮސްޕިޓަލުގައި ފެންވަރު ރަނގަޅު ލެބޯޓަރީއެއް ގާއިމުކުރެވިފައިވެއެވެ. ތައިރޮއިޑް ޓެސްޓުތަކާއި، އިންސިއުލިން ލެވެލް ބެލުމާއި، ޕީސީއޯއެސްއާ ގުޅުންހުރި އެކި ހޯމޯން ޓެސްޓުތައް އެ ހޮސްޕިޓަލުން ހެދެއެވެ. އޭގެ އިތުރުން، ރޭޑިއޮލޮޖީ ޑިޕާޓްމަންޓް މެދުވެރިކޮށް ތައިރޮއިޑް ސްކޭން ކުރުމާއި، އެމްއާރްއައި އަދި ސީޓީ ސްކޭންގެ ހިދުމަތްވެސް ފުޅާ ދާއިރާއެއްގައި ލިބެން ހުރެއެވެ.

ޑައިޓެޓިކްސް އަދި ނިއުޓްރިޝަން

މެޓަބޮލިކް ބަލިތަކަށް ފަރުވާ ދިނުމުގައި ކެއުމުގެ އާދަތައް ބައްޓަންކުރުން މުހިންމުވާތީ، ޓްރީ ޓޮޕް ހޮސްޕިޓަލުގައި ހާއްސަ ޑައިޓީޝަނުންގެ ހިދުމަތް ލިބެން ހުރެއެވެ. ޑރ. ޕަންކަޖް ފަދަ ޑޮކްޓަރުންގެ ލަފާގެ މަތިން، ބަލިމީހާގެ ހާލަތާ ގުޅޭގޮތުން ކާންވީ ތަކެއްޗާއި ނުކާންވީ ތަކެތި ކަނޑައަޅައިދީ، ހާއްސަ މީލް ޕްލޭންތައް އެ ޑިޕާޓްމަންޓުން ތައްޔާރުކޮށްދެއެވެ.

އިމަޖެންސީ ފަރުވާއާއި ފާމަސީ

ހަކުރުބަލީގެ ސަބަބުން ކުއްލިއަކަށް ދިމާވާ ނުރައްކާތެރި ހާލަތްތަކަށް ވަގުތުން ފަރުވާ ދިނުމަށް 24 ގަޑިއިރު ހިދުމަތްދޭ އެމަޖެންސީ ޑިޕާޓްމަންޓަކާއި އައިސީޔޫއެއް ހޮސްޕިޓަލުގައި ގާއިމުކޮށްފައި ހުރެއެވެ. އަދި ބަލިމީހުންނަށް ބޭނުންވާ ޒަމާނީ ބޭސްތައް، ހާއްސަކޮށް އޮޒެމްޕިކް އަދި މޮންޖާރޯ ފަދަ ބޭސްތައް ފަސޭހައިން ލިބޭނެ އިންތިޒާމު ހޮސްޕިޓަލުގެ ފާމަސީ މެދުވެރިކޮށް ވަނީ ހަމަޖެހިފައެވެ.

މުސްތަގުބަލުގެ ތަސައްވުރު

ޑރ. ޕަންކަޖްގެ އެންމެ ބޮޑު ތަސައްވުރަކީ ދިވެހި މުޖުތަމައަކީ ސިއްހަތަށް ފައިދާހުރި ދިރިއުޅުމެއް އުޅޭ، ހޯމޯނަލް އަދި މެޓަބޮލިކް ބަލިތަކުން ރައްކާތެރިވެފައިވާ މުޖުތަމައަކަށް ހެދުމެވެ. އޭނާ ފާހަގަކުރާ ގޮތުގައި ރާއްޖޭގައި މިވަގުތު ތިބީ އެންޑޯކްރައިނޮލޮޖީގެ ރޮނގުން ހާއްސަ އެންމެ 3 ނުވަތަ 4 ޑޮކްޓަރުންނެވެ. އެހެންކަމުން، މެޑިސިން ކިޔަވާ ދިވެހި ދަރިވަރުން މި ދާއިރާއިން ކުރިއަށް ގޮސް، ގައުމަށް ހިދުމަތްކުރުމަށް އޭނާ ވަރަށް ބޮޑަށް ހިތްވަރުދެއެވެ. ޓްރީ ޓޮޕް ހޮސްޕިޓަލުގެ ފުރިހަމަ ވަސީލަތްތަކާއެކު، ޑރ. ޕަންކަޖްގެ އަމާޒަކީ ކޮންމެ ބަލިމީހަކަށްވެސް އެންމެ އެކަށީގެންވާ، އޯގާތެރި އަދި ޒަމާނީ ފަރުވާ ފޯރުކޮށްދިނުމެވެ.