ސްރީލަންކާއަށް އެރި “ޑިޓްވާ” ތޫފާނުގެ ހާލުގައި ޖެހުނު ފަރާތްތަކަށް އެހީވުމަށް ދިވެހި މީޑިއާތައް ގުޅިގެން ކުރިއަށް ގެންދާ “ސިލޯނާއެކު ދިވެހީން” ޓެލެތޯނަށް ދިވެހީންގެ ފަރާތުން ބޮޑު ތަރުހީބެއް ލިބެމުން އެބަދެއެވެ.

އިއްޔެ ފެށި މި ޓެލެތޯނަށް މިއަދުގެ ފަތިހާ ހަމައަށް 5.4 މިލިއަނަށް ވުރެ ގިނަ ރުފިޔާ ވަނީ ލިބިފައެވެ. މިއަދު މެންދުރުފަހު 2:00 އާ ހަމައަށް ކުރިއަށް ގެންދާ މި ހަރަކާތަށް ސަރުކާރުގެ މުއައްސަސާތަކާއި ކުންފުނިތަކުގެ އިތުރުން އާންމު ރައްޔިތުން ވެސް ދަނީ ދީލަތި އެހީތެރިކަން ފޯރުކޮށްދެމުންނެވެ.