ހެލްތު މިނިސްޓްރީން މޯލްޑިވްސް ޕޯޓްސް ލިމިޓެޑް (އެމްޕީއެލް)އާ ހަވާލުކޮށްގެން ރާއްޖެއަށް ގެންނަ 56 އެންބިއުލަންސްގެ ތެރެއިން ފުރަތަމަ ރާއްޖެ ގެންނަ 18 އެންބިއުލަންސްގެ އިންސްޕެކްޝަން ދުބާއީގައި ފުރިހަމަކޮށްފި އެވެ.
މިމަހުގެ 21 ގައި ރައީސް ޑރ. މުހައްމަދު މުއިއްޒު، ލ. އަތޮޅަށް ކުރެއްވި ދަތުރުފުޅުގެ ތެރެއިން ދަނބިދޫއަށް ވަޑައިގެން އެ ރަށު ރައްޔިތުންނާ ބައްދަލުކުރައްވައި ވިދާޅުވީ މިއަހަރުގެ ތެރޭގައި 63 ރަށަކަށް ބޭނުންވާ އެމްބިއުލާންސް ގެންނާނެ ކަމަށެވެ.
“މިއަހަރު ނިމުމުގެ ކުރީން އަޅުގަނޑުމެން އެބަ ގެންނަން ގާތްގަނޑަކަށް 60 ރަށަށް ބޭނުންވާ ވަރަށް އެމްބިއުލާންސް. އަޅުގަނޑު ހަނދާން ވަނީ 63 ރަށަށް ބޭނުންވާ ވަރަށް އެމްބިއުލާންސް އެބަގެނެވޭ. މި އެމްބިއުލާންސްތައް އަޅުގަނޑުމެން މި ފޮނުވަނީ މިފަދަ ރަށްރަށަށް. އެމްބިއުލާންސް ހަލާކުވެފަ ނޫނިއްޔާ އެކިކަހަލަ މައްސަލަތައް ދިމާވެފައިވާ ރަށްތަކަށް،” ރައީސް
Advertisement
އެމްޕީއެލުން އިއްޔެ ބުނީ އެ ކުންފުންޏަށް ހަވާލުކުރި ޕްރޮޖެކްޓްގެ ދަށުން ފުރަތަމަ ރާއްޖެ ގެންނަ 18 އެމްބިއުލަންސް އިންސްޕެކްޝަންތައް ދުބާއީގައި ފުރިހަމަކޮށްފައިވާ ކަމަށެވެ. އެ އިންސްޕެކްޝަންތައްް ކުރިއަށް ގެންދިޔައީ އެމްޕީއެލް އަދި ހެލްތު މިނިސްޓްރީގެ އޮފިޝަލުން ހިމެނޭ ޓީމަކުން ކަމަށްވެސް އެ ކުންފުނިން ބުންޏެވެ.
ކިޔުންތެރިންގެ ހިޔާލު