އެމްޕީއެލްގެ މުވައްޒަފަކު ސިންގަޕޫރުގެ ޕޮލިޓެކްނިކްގައި ކުރު ކޯހެއްގައި ބައިވެރިވެއްޖެއެވެ.
އެމްޕީއެލްގެ ނޯޓިކަލް ޑިޕާޓްމަންޓުގެ އެސިސްޓެންޓް މެނޭޖަރ – ނޯޓިކަލް ސާވިސަސް، އައްފާން ހުސެއިން، ޖަޕާން-ސިންގަޕޫރު ޕާޓްނަރޝިޕް ޕްރޮގްރާމް ފޯރ ދަ ޓުވެންޓީ ފަސްޓް ސެންޗަރީގެ ދަށުން 14 އިން 18 ސެޕްޓެމްބަރުގެ ނިޔަލަށް ސިންގަޕޫރުގައި ކުރިއަށްދާ ފަސް ދުވަހުގެ މެރިޓައިމް ސޭފްޓީ މެނޭޖްމަންޓް ކޯހުގައި ބައިވެރިވާނެ ކަމަށެވެ.
މި ކޯހުގައި ސިންގަޕޫރާއި ޖަޕާނުގެ ކަނޑުގެ ސަލާމަތީ ކަންކަން ބެލެހެއްޓުމުގެ ތަޖުރިބާތަކުން ޢިލްމު ބަދަލުކުރުމާއި ދަސްކުރުމުގެ ފުރުޞަތު ލިބިގެންދާއިރު، އެންމެ ރަނގަޅު އުސޫލުތަކާއި ބައިނަލްއަޤްވާމީ މުޢާހަދާތަކާއި ގަވާއިދުތަކާއި ކަނޑުމަތީގައި ރައްކާތެރިކަން އިތުރުކުރެވޭނެ އަމަލީ ގޮތްތައް ކިޔައިދޭ ސެޝަންތައް ކުރިއަށް ގެންދެއެވެ.
އައްފާން މި ޕްރޮގްރާމްގައި ބައިވެރިވެފައިވަނީ އެމްޕީއެލް އިން އަންނަ މަހުގެ 5 ވަނަ ދުވަހުގައި އެކުންފުނީގެ ދެވަނަ މެރިޓައިމް ކޮންފަރެންސް ބާއްވަން ރާވާފައިވާ ދަނޑިވަޅަކާ ކައިރިކޮށްފައެވެ. މިއީ ރާއްޖޭގެ ކަނޑުދަތުރުފަތުރާއި ބަނދަރުގެ ސިނާޢަތު ކުރިއެރުވުމަށްޓަކައި، މި ދާއިރާގެ ދިވެހި އަދި ބޭރުގެ ތަޖުރިބާކާރުންނާއި ކަމާގުޅޭ އިދާރާތައް އެއްތަނަކުން ބައްދަލުވެ މަޝްވަރާކުރުމަށް ބާއްވާ މުހިންމު ކޮންފަރެންސެކެވެ. މި ކޮންފަރެންސްގެ ފުރަތަމަ އެޑިޝަން ވަރަށް ކާމިޔާބުކަމާއެކު ބާއްވާފައިވަނީ 2024 ވަނަ އަހަރުގައެވެ. އެމްޕީއެލްއިން ވަނީ މި ކޮންފަރެންސްގައި ބައިވެރިވުމުގެ ފުރުޞަތު ކަނޑުދަތުރުފަތުރުގެ ދާއިރާގައި ހަރަކާތްތެރިވާ ހުރިހާ ފަރާތްތަކަކަށް ހުޅުވާލާފައެވެ.
ކިޔުންތެރިންގެ ހިޔާލު