މޯލްޑިވްސް ބްރޯޑްކާސްޓިން ކޮމިޝަނުގެ ސެކްރެޓަރީ ޖެނެރަލް އާމިނަތު ޒީނިޔާ ސަސްޕެންޑުކޮށްފިއެވެ.

އޭނާ ސަސްޕެންޑުކިރީ މާދަމާ އިން ފެށިގެން ތިން ދުވަހަށެވެ. އެއީ ޒީނިޔާއާ ގުޅޭ މައްސަލައެއް ބަލަމުންދާތީއެވެ.

އެ މައްސަލައަށް ލިޔުމުން ޖަވާބުދާރީވާން ވެސް އޭނާ އަށް ވަނީ އަންގާފައެވެ.

އިޝްތިހާރު އިޝްތިހާރު

އޭނާއާ ގުޅޭގޮތުން ބަލަނީ ކޮން މައްސަލައެއް ކަމެއް އަދި ނޭނގެއެވެ.

މި ހަފްތާގެ ތެރޭގައި ވަނީ ބްރޯޑްކޮމްގެ މުވައްޒަފުންގެ ފަރާތުން ކޮމިޝަނުގެ މެންބަރުންނާ ގުޅޭގޮތުން ހުރި ކަންބޮޑުވުންތައް ބަޔާންކޮށް ރައްޔިތުންގެ މަޖިލީހަށް ޕެޓިޝަނެއް ވެސް ހުށަހަޅާފައެވެ.

އެ ޕެޓިޝަންގައި ފާހަގަކޮށްފައިވާ ކަންތައްތަކުގެ ތެެރޭގައި މާލިއްޔަތު ގަވާއިދާ ފުށުއަރާނެ ގޮތަށް މަސައްކަތް ކުރުމަށް މުވައްޒަފުންނަށް މަޖުބޫރު ކުރުވުން ހިމެނެއެވެ.

މީގެއިތުރުން ކޮމިޝަނުގެ ހިންގާ ގަވާއިދާ ހިލާފަށް މުވައްޒަފުންނާ މެދު ފިޔަވަޅު އަޅައި އިޖުރާއަތްތައް ފުރިހަމަނުކޮށް ވަކި މުވައްޒަފަކު ވަޒީފާއިން ވަކިކުރަން އެޗްއާރު ޕެނަލަށް އަންގާފައިވާ ކަމަށް ވެސް އެ ޕެޓިޝަންގައިވެއެވެ.