ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެފައިވަނީ، ކުޅިވަރުގެ ޛަރީޢާއިން މުޖުތަމަޢުގައި ހަމަޖެހުން ޤާއިމުކުރުމަކީ ސަރުކާރުގެ އަމާޒު ކަމުގައެވެ. މި ބަސްފުޅު ރައީސް ދެއްވާފައިވަނީ ބައިނަލްއަޤްވާމީ ކުޅިވަރާއި ތަރައްޤީ އަދި ސުލްޙައަށް ކަނޑައެޅިފައިވާ ދުވަހާ ގުޅިގެން އެކްސް ގައި ކުރެއްވި ޕޯސްޓެއްގައެވެ.
On International Day of Sport for Development and Peace, we reaffirm our commitment to leveraging the transformative power of sport to promote empowerment and equal opportunities. We are developing a 20-year National Sports Development Plan to foster long-term growth in sports,… pic.twitter.com/Ux1dAa1mQn
— Dr Mohamed Muizzu (@MMuizzu) April 6, 2025
Advertisement
ރައީސް އިތުރަށް ފާހަގަކުރެއްވި ގޮތުގައި، ސަރުކާރުގެ މަސައްކަތްތައް އަމާޒުކުރެވިފައިވަނީ ކުޅިވަރުގެ ދާއިރާއިން ހުރިހާ ޖިންސަކަށްވެސް ހަމަހަމަ ފުރުޞަތުތައް ހޯދައިދީ، އެ ދާއިރާއިން ރައްޔިތުން ބާރުވެރިކުރުވުމަށެވެ. މިގޮތުން، 20 އަހަރުގެ ޤައުމީ ކުޅިވަރު ތަރައްޤީކުރުމުގެ ޕްލޭނެއް އެކުލަވާލަމުންދާ ކަމަށާއި، މި ޕްލޭންގެ ދަށުން ކުޅިވަރުގެ ދާއިރާއިން ގިނަ ފުރުޞަތުތަކެއް ހުރިހާ ފަރާތްތަކަށް ފަހިކޮށްދެވިގެންދާނެ ކަމަށް ވިދާޅުވިއެވެ.
ސަރުކާރުގެ އަމާޒަކީ ކުޅިވަރުގެ ޛަރީޢާއިން މުޖުތަމަޢުގައި ހަމަޖެހުމާއި ފާގަތިކަން އިތުރުކުރުން ކަމަށް ރައީސް ފާހަގަކުރެއްވިއެވެ. އަދި ކުޅިވަރުގެ ދާއިރާ ތަރައްޤީކުރުމަށް އެންމެން އެކުގައި މަސައްކަތްކުރުމަށް އިލްތިމާސް ކުރެއްވިއެވެ.
ރާއްޖޭގައި ކުޅިވަރުގެ އެކި ދާއިރާތައް ކުރިއެރުވުމަކީ މި ސަރުކާރުގެ އަމާޒެއް ކަމަށާއި، މިއީ ޕްރިވެންޓިވް ހެލްތު ކެއަރގެ ދަށުން ހާސިލުކުރުމަށް ނިންމާފައިވާ ކަމެއްކަން ފާހަގަކުރެވެއެވެ. މިގޮތުން، އެކި ރަށްރަށުގައި ފުޓުބޯޅަ/ފުޓްސަލް ދަނޑުތަކާއި، އައުޓްޑޯ ޖިމްތަކާއި، ޒުވާނުންގެ މަރުކަޒުތައް ތަރައްޤީކުރުން ހިމެނެއެވެ.
ކިޔުންތެރިންގެ ހިޔާލު