މެދުކެނޑުމަކަށްފަހު އިސްރާއީލުން ޣައްޒާއަށް އަލުން ފަށާފައިވާ ޙަމަލާތަކުގައި ޝަހީދުވި މީހުންގެ އަދަދު 700 އަށްވުރެ އިތުރުވެއްޖެއެވެ. މީގެ ތެރޭގައި 200 އަށްވުރެ ގިނަ ކުޑަކުދިން ހިމެނެއެވެ. ޣައްޒާގެ ޞިއްޙީ ވުޒާރާއިން މަޢުލޫމާތު ދީފައިވާ ގޮތުގައި، މާރިޗު 20 ވަނަ ދުވަހު އެކަނި 85 މީހުން ޝަހީދުވެފައިވެއެވެ.
ޙަމަލާތަކުގެ ތެރޭގައި:
– އދ. ގެ މަރުކަޒަކަށް ޙަމަލާދީ، މުވައްޒަފަކު މަރުވެ، އިތުރު 5 މުވައްޒަފުން ޒަޚަމްވެފައިވެއެވެ.
– އުންރުވާގެ 284 މުވައްޒަފުން ޝަހީދުވެފައިވާ ކަމަށް އެ އިދާރާގެ ކޮމިޝަނަރ ޖެނެރަލް ވިދާޅުވެފައިވެއެވެ.
– މީހުން ދިރިއުޅޭ 11 އިމާރާތް ވަނީ ފުނޑާލާފައެވެ.
އިސްރާއީލީ ފައުޖު ނެތުސާރީމް ކޮރިޑޯ އަށް ވަދެ، ޣައްޒާގެ އުތުރު ސަރަޙައްދުތައް އެހެން ސަރަޙައްދުތަކާ ވަކިކޮށްފައިވެއެވެ. މިކަމުގެ ސަބަބުން އުތުރު ސަރަޙައްދުތަކަށް ދަތުރުކުރުމަށް ދަތިތަކެއް ކުރިމަތިވެފައިވެއެވެ.
އދ. ގެ އިންސާނީ އެހީގެ އިސްވެރިޔާ ޓޮމް ފްލެޗަރ ވިދާޅުވެފައިވަނީ، މި ޙަމަލާތަކަކީ ބައިނަލްއަޤްވާމީ ޤާނޫނުތަކާ ޚިލާފު ކަމެއް ކަމަށާއި، މިކަމާ ގުޅޭގޮތުން ފުރިހަމަ ތަޙްޤީޤެއް ކުރަންޖެހޭ ކަމަށެވެ.
ކިޔުންތެރިންގެ ހިޔާލު