ގެދޮރުވެރިކަމާބެހޭ ވުޒާރާއިން ނެރުއްވި ބަޔާނުގައި މުހިއްމު ނުކުތާތަކެއް ފާހަގަކުރައްވާފައިވެއެވެ. އޭގެ ތެރޭގައި:
1. ފްލެޓް ލިސްޓު ރިވިއުކޮށްފައިވަނީ ކުރީ ސަރުކާރުގެ ގެދޮރުވެރިން ކޮމިޓީގެ ގައިޑްލައިނާ އެއްގޮތަށެވެ.
2. އޭސީސީން ފާހަގަކުރެއްވި ގޮތުގައި ފްލެޓް ލިބުނު 59.6% މީހުންގެ ޝަރުތު ހަމަނުވެއެވެ.
3. އަލުން ނެރުނު ލިސްޓުގައި ހިމެނެނީ ކުރީގެ ލިސްޓުގައި ހިމެނުނު ފަރާތްތަކުގެ ތެރެއިން ޝަރުތު ހަމަވާ ފަރާތްތަކެވެ.
4. ފްލެޓް ލިބިފައިވާ އެއްވެސް ފަރާތަކަށް ކަނޑައަޅާފައިވާ ފްލެޓް މިހާތަނަށް އެހެން ފަރާތަކަށް ހަމަޖައްސާފައެއް ނުވެއެވެ.
5. މާލޭގައި ރަށްވެހިވެފައިވާ ފަރާތެއް ރަށްވެހިވެފައިވާތާ 15 އަހަރު ވެފައިވާނަމަ ޑިސްކޮލިފައި ނުވާނެއެވެ.
6. ވެރިފިކޭޝަން މަސައްކަތުގައި މީހެއްގެ ފޯމެއް ގޯސްކޮށް ބެލިފައި އޮތްނަމަ އެކަން ރަނގަޅު ކުރުމަށް ފުރުޞަތު ދެވިފައިވެއެވެ.
7. ދެމަފިރިން ޝަރުތުހަމަވާނަމަ އެދެފަރާތަށް ވަކިން 2 ފްލެޓެއް ނުލިބޭނެއެވެ.
8. ބޯހިޔާވަހިކަމާއި ގެދޮރުވެރިކަމަށް ބޭނުންޖެހިފައިވާ ކޮންމެ ދިވެހި ރައްޔިތަކަށް އެ ފުރުޞަތު ކަށަވަރުކޮށްދިނުމަށް ސަރުކާރުން މަސައްކަތްކުރައްވާނެއެވެ.
މި ބަޔާނުގައި ވުޒާރާއިން ފްލެޓް ދޫކުރުމުގެ މަސައްކަތް ކުރިއަށް ގެންދަވާ ގޮތާއި، އެކަމުގައި ދިމާވެފައިވާ ގޮންޖެހުންތަކާއި، އެކަންކަން ޙައްލުކުރުމަށް އަޅުއްވާފައިވާ ފިޔަވަޅުތަކުގެ މައުލޫމާތު ހިއްސާކުރައްވާފައިވެއެވެ.
ކިޔުންތެރިންގެ ހިޔާލު