ސްޓަޑީ ކޭމްޕް ބާއްވަން ހއ. އަތޮޅުގެ ކޮންމެ ސްކޫލަކަށް 10،000 ރުފިޔާގެ އެހީއެއް އެ އަތޮޅު ކައުންސިލުން ދީފިއެވެ.

ހއ. އަތޮޅުގައި ހިމެނޭ 14ރަށުގެ ސްކޫލްތަކަށް މި އެހީ ހަވާލުކުރީ މިއަދު ހއ. ދިއްދޫ ބަނަދަރުމަތީގައި ބޭއްވި ޚާއްޞަ ރަސްމިއްޔާތެއްގައެވެ. މި އެހީގެ އެއްބަސްވުމުގައި އަތޮޅު ކައުންސިލުގެ ފަރާތުން ސޮއިކުރެއްވީ އެ ކައުންސިލުގެ ރައީސް މޫސާ ޝަފީޤެވެ. ސްކޫލްތަކުގެ ފަރާތުން ސޮއިކުރެއްވީ އެ ސްކޫލެއްގެ ޕްރިންސިޕަލެވެ.

ސްޓަޑީ ކޭމްޕް ބާއްވަން ކޮންމެ ސްކޫލަކަށް ވެސް ކައުންސިލުން ދިނީ 10،000 ރުފިޔާއެވެ.

ހއ. އަތޮޅު ކައުންސިލުން ބުނީ ދާއިމީ ގޮތެއްގައި އެފަދަ އެހީތައް ފޯރުކޮށްދިނުމަށް އެ ކައުންސިލުން މަސައްކަތް ކުރަމުން އަންނަ ކަމަށެވެ.