މިއަދަކީ މިއަހަރުގެ 2 މިލިއަން ފަތުރުވެރިޔާ އައި ދުވަހެއެވެ. ރާއްޖެ އައި ދެ މިލިއަން ވަނަ ފަތުރުވެރިޔާއަކީ އޮސްޓްރިއާގެ އަންހެން ފަތުރުވެރިއެކެވެ. އޭނާ ރާއްޖެ އައީ އާއިލާ އާއެކުގައި ގަތަރުގެ ވެރިރަށް ދޯހާ ރާއްޖެ އައި ގަތަރު އެއާވޭސްގެ ކިއުއާރު670 ފްލައިޓުން މިއަދު ހެނދުނު 10 ޖަހާކަން ހާއިރެވެ
ދެ މިލިއަން ވަނަ ފަތުރުވެރިޔާ އަށް މަރުހަބާ ކިއުމަށް ވެލާނާ އިންޓަނޭޝަނަލް އެއާޕޯޓު (ވީއައިއޭ) ގައި ހާއްސަ ރަސްމިއްޔާތެއް ވަނީ މިައަދުވަނީ ބާއްވައިފައެވެ. އެ ރަސްމިއްޔާތުގައި ޓުއަރިޒަމް މިނސްޓަރ އިބްރާހިމް ފައިސަލާއި އެމްއޭސީއެލްގެ މެނޭޖިން ޑިރެކްޓަރު އިބްރާހިމް ޝަރީފް މުހައްމަދާއި އެމްއެމްޕީއާރުސީގެ މެނޭޖިން ޑިރެކްޓަރު އިބްރާހިމް ޝިއުރީ އާއި އިމިގްރޭޝަން ކޮންޓްރޯލާ މުހައްމަދު ޝައްމާން އިތުރުން ގިނަބަޔަކު ބައިވެރިވިއެވެ.
ސަރުކާރުން މި އަހަރު އަމާޒު ހިފީ ދެ މިލިއަން ފަތުރުވެރިން ރާއްޖެ ގެނައުމަށެވެ
ރައީސް ޑރ. މުހައްމަދު މުއިއްޒުގެ ސަރުކާރުން ހިފި އަމާޒަށް ވާސިލްވެފައިވާ އިރު، ފަތުރުވެރިން ރާއްޖެ ގެނައުމަށް މީގެކުރިން ސަރުކާރުން ވަނީ ގިނަ މަސައްކަތްތަކެއް ކޮށްފައެވެ. އެގޮތުން ފަތުރުވެރިކަމުގެ ދާއިރާ އިން އެކިއެކި ރިކޯޑުތައް ވަނީ ހާސިލްކޮށްފައެވެ. އެންމެ ފާހަގަކޮށްލެވޭ އެއް ރިކޯޑަކީ ފެބްރުއަރީ މަސް ތެރޭގައި ދެ ލައްކަ ފަތުރުވެރިން ރާއްޖެ ގެނައުމެވެ. މިއީ އެއް މަހެއްގެ ތެރޭގައި މިހާ ގިނަ ފަތުރުވެރިން ރާއްޖެ ގެނެވުނު ފުރަތަމަ ފަހަރެވެ
ރާއްޖެ އަންނަ ފަތުރުވެރިން ގެނައުމަށް ސަރުކާރުން މިހާރު ކުރަމުން އަންނަ އެއް މަސައްކަތަކީ ވެލާނާ އެއާޕޯޓުގެ އާ ރަންވޭގެ މަސައްކަތް ނިންމުމެވެ. ސަރުކާރުގެ އަމާޒަކީ އަންނަ ޖޫން ނޫނީ ޖުލައި މަހުގެ ތެރޭގައި އެއާޕޯޓު އެއްކޮށް ހުޅުވުމެވެ. ީ ވެލާނާ އެއާޕޯޓުގެ އާޓާމިން ހުޅުވަށް ފަހުގެ މަސައްކަތްތަށް ކުރެވެމުން ދާއިރު މި ޕުރެޖެކްޓުގު ނުނިމި ހުރި މަސައްކަތަށް ބޭނުންވާ އިތުރު 40 މިލިއަން ޑޮލަރު އަބޫދާބީ ފަންޑުން ވަނީ ލިބިފައެވެ.
ކިޔުންތެރިންގެ ހިޔާލު