ރައީސުލްޖުމްހޫރިއްޔާ ޑރ. މުހައްމަދު މުއިއްޒު އަންނަ އަންގާރަ ދުވަހު ޕާކިސްތާނަށް ކުރައްވާ ރަސްމީ ދަތުރުފުޅުގައި ދެ ގައުމުގެ ދެމެދުގައި 12 އެއްބަސްވުމެއްގައި ސޮއިކުރުމަށް ހަމަޖެހިއްޖެއެވެ.

އަންނަ ހުކުރު ދުވަހުގެ ނިޔަލަށް ކުރައްވާ މި ދަތުރުފުޅަކީ ފާއިތުވި 10 އަހަރުގެ ތެރޭގައި ދިވެހި ދައުލަތުގެ ވެރިއަކު ޕާކިސްތާނަށް ކުރައްވާ ފުރަތަމަ ރަސްމީ ދަތުރުފުޅެވެ. މި ދަތުރުފުޅުގައި ސޮއިކުރުމަށް ހަމަޖެހިފައިވަނީ ދެ ގައުމުގެ ދެމެދުގައި އެކުލަވާލާ މެމޮރެންޑަމް އޮފް އަންޑަސްޓޭންޑިން ތަކާއި އެކި ދާއިރާތަކުން ގުޅުން ބަދަހިކުރުމުގެ އެއްބަސްވުންތަކެވެ.

ޕާކިސްތާނުގެ އިސްލާމްއާބާދުގައި ބޭއްވޭ މިއުފާވެރި ބައްދަލުވުންތަކުގައި ރައީސް މުއިއްޒު، ޕާކިސްތާނުގެ ބޮޑުވަޒީރު ޝާހުބާޒް ޝަރީފާއި ރައީސް އާސިފް އަލީ ޒަރުދާރީއާ ބައްދަލުކުރައްވާނެއެވެ. މީގެ އިތުރުން ދެ ގައުމުގެ މަތީ ފެންވަރުގެ ވަފުދުތަކުގެ މެދުގައި ރަސްމީ މަޝްވަރާތައް ބޭއްވުމަށްވެސް ވަނީ ހަމަޖެހިފައެވެ.

އިޝްތިހާރު އިޝްތިހާރު

މި ދަތުރުފުޅަށް ޕާކިސްތާނުން ވަރަށް ބޮޑަށް ތައްޔާރުވަމުން އަންނައިރު، ތައްޔާރީތައް ރިވިއު ކުރެއްވުމަށް ޕާކިސްތާނުގެ ބޮޑުވަޒީރުގެ ނައިބު އަދި ފޮރިން މިނިސްޓަރު އިޝްހާގް ދާރު ވަނީ ހާއްސަ ބައްދަލުވުމެއް ބާއްވަވާއެވެ. އެ ބައްދަލުވުމުގައި ދެ ގައުމުގެ ދެމެދުގައިވާ ހާރިޖީ ގުޅުމާއި ވިޔަފާރި އާއި އިންވެސްޓްމެންޓް، ސިއްހަތު، ތައުލީމު، މޫސުމަށް އަންނަ ބަދަލުތައް، ޓޫރިޒަމް އަދި ސިވިލް އޭވިއޭޝަންގެ ދާއިރާއިން އެއްބާރުލުން އިތުރުކުރުމާ ބެހޭ ގޮތުން މަޝްވަރާ ކުރެއްވިއެވެ.

ރައީސް މުއިއްޒުގެ މި ދަތުރުފުޅުގައި ސޮއިކުރާ އެއްބަސްވުންތަކުގެ ތެރޭގައި ރާއްޖެ އާއި ޕާކިސްތާނާ ދެމެދު ސީދާ ދަތުރުތައް ފެށުމުގެ އެއްބަސްވުމާއި، ސިއްހީ ދާއިރާ އާއި ތައުލީމީ ދާއިރާއިން އެއްބާރުލުން ދިނުމުގެ އެމްއޯޔޫތައް ހިމެނެއެވެ. އަދި ދިފާއީ އަދި އަސްކަރީ ދާއިރާއިން ގުޅުން ބަދަހިކުރުމާއި، މާލީ އަދި ޓެކްނޮލޮޖީގެ ދާއިރާއިން ގުޅުން ބަދަހިކުރުންވެސް ހިމެނެއެވެ.

މީގެ އިތުރުން ދެކުނު އޭޝިއާގެ ގައުމުތަކުގެ ޖަމްއިއްޔާ (ސާކް) އަލުން ދިރުވައި ސާކުގެ ހަރަކާތްތައް ފެށުމާ ބެހޭ ގޮތުން ދެ ގައުމުގެ ވެރިން މަޝްވަރާ ކުރައްވާނެއެވެ. އަދި އެކުވެރި ދައުލަތްތަކުގެ ޖަމްއިއްޔާ އާއި އިސްލާމީ ސަގާފީ ޖަމްއިއްޔާ ފަދަ ބައިނަލްއަގުވާމީ މައިދާންތަކުގައި ދެ ގައުމުގެ އެއްބާރުލުން އިތުރުކުރުމާ ބެހޭ ގޮތުންވެސް ވާހަކަދެކެވޭނެއެވެ.