މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އިން މިއަދު މަސް ގަންނަމުންދާ ބަނދަރުތަކާއި، މަސް ގަންނަ އަގުތަކުގެ ތަފްސީލު ހާމަކޮށްފިއެވެ.
މިފްކޯއިން ހާމަކޮށްފައިވާ ގޮތުގައި، 14 އޮކްޓޫބަރު 2024 ވީ ހޯމަ ދުވަހު ކަޅުބިލަމަހާއި ބޮޑުކަންނެލި ގަންނަމުންދަނީ ތިރީގައިވާ އަގުތަކުގައެވެ.
ކަޅުބިލަމަސް ގަންނަ އަގުތައް (ކިލޯއަކަށް):
- 1 ޓަނާއި 3 ޓަނާ ދެމެދު: 21.00 ރުފިޔާ
- 3 ޓަނާއި 8 ޓަނާ ދެމެދު: 22.00 ރުފިޔާ
- 8 ޓަނުން މަތި: 22.75 ރުފިޔާ
ބޮޑުކަންނެލި ގަންނަ އަގުތައް (ކިލޯއަކަށް):
- 10 ކިލޯ އާއި 15 ކިލޯއާ ދެމެދު: 20.00 ރުފިޔާ
- 15 ކިލޯއިން މަތި: 25.00 ރުފިޔާ
މިއަދުގެ ވަގުތުތަކުގައި މިފްކޯގެ މަސް ގަތުމުގެ އޮޕަރޭޝަންތައް ކުރިއަށްދާނީ ރާއްޖޭގެ އެކި ސަރަޙައްދުތަކުގެ މައިގަނޑު ފަސް ބަނދަރެއްގައެވެ. އެއީ ފެލިވަރު ބަނދަރުގެ އިތުރުން، ހއ. އިހަވަންދޫ ބަނދަރު، މ. މުލަކު ބަނދަރު، ލ. ހިތަދޫ ބަނދަރު އަދި ގދ. ތިނަދޫ ބަނދަރެވެ.
މަސްވެރިން ބާނާ މަހަށް ހަމައަގު ހޯދައިދިނުމަށާއި، ފަސޭހަކަމާއެކު މަސް ކިރުވޭނެ އިންތިޒާމު ހަމަޖެއްސުމަށް ސަރުކާރުން އަބަދުވެސް ދަނީ މަސައްކަތް ކުރަމުންނެވެ. އެގޮތުން މަސްވެރިންނަށް ލިބޭ އާމްދަނީ އިތުރުކުރުމުގެ ގޮތުން ކިރުވާ މަހުގެ އަދަދަށް ބަލައި ކަޅުބިލަމަހުގެ އަގުތަކަށް މިފަދަ ހެޔޮ ބަދަލުތަކެއް ގެނެސްފައިވާކަން ފާހަގަކުރެވެއެވެ.
ކިޔުންތެރިންގެ ހިޔާލު