މިއަދަކީ މާލެއަށް އާދަޔާ ޚިލާފަށް ހޫނުގަދަވެ އިޙުސާސް ކުރެވޭ ފިނިހޫނުމިން 39.2 ޑީގްރީ ސެލްސިއަސްއަށް އަރައިފިއެވެ.
މިއީ މާލޭ ސަރަހައްދުގެ ފާއިތުވި ދުވަސްތަކުގައި ފިނިހޫނުމިން މިހާ މައްޗަށް އެރި ފުރަތަމަ ފަހަރެވެ. މޫސުމާބެހޭ ގައުމީ އިދާރާއިން ބުނީ މިއަދަކީ މާލެ ސަރަހައްދަށް އާދަޔާޚިލާފަށް ހޫނުގަދަ ދުވަހެއް ކަމަށެވެ. އެގޮތުން މާލެ ސަރަހައްދުގައި އިޙުސާސްކުރެވޭ ފިނިހޫނުމިން ހުރީ 39.2 ޑީގްރީ ސެލްސިއަސްގައި ކަމަށް އެ އިދާރާއިން ބުންޏެވެ.
މާލޭ ސަރަހައްދުގެ އިޙުސާސްކުރެވޭ ފިނިހޫނުމިން މަތިވެފައިވާއިރު، ބައެއް އަތޮޅުތަކުގައިވެސް އިޙުސާސްކުރެވޭ ފިނިހޫނުމިން ވަނީ މައްޗަށް އަރާފައެވެ. އެގޮތުން ލ. ކައްދޫގައި އިޙުސާސްކުރެވޭ ފިނިހޫނުމިން 37.4 ޑިގްރީ ސެލްސިއަސްގައި ހުރިއިރު، ހދ. ހަނިމާދޫގައި އިޙުސާސްކުރެވޭ ފިނިހޫނުމިން ހުރީ 37.2 ޑިގްރީ ސެލްސިއަސްގައި ކަމަށް އެ އިދާރާއިން ބުންޏެވެ. އެ އިދާރާއިން ބުނީ، އެހެން ސަރަހައްދުތަކުގެ އިޙުސާސްކުރެވޭ ފިނިހޫނުމިން ހުންނާނީ އާދައިގެ ވަރަކަށް ކަމަށެވެ.
އެގޮތުން ނ. މާފަރުގައި އިޙުސާސްކުރެވޭ ފިނިހޫނުމިން 36.1 ޑިގްރީ ސެލްސިއަސް، ގދ. ކާޑެއްދޫގައި އިޙުސާސްކުރެވޭ ފިނިހޫނުމިން 36.3 ޑިގްރީ ސެލްސިއަސް، އަދި އައްޑޫ އަތޮޅު ގަމުގައި އިޙުސާސްކުރެވޭ ފިނިހޫނުމިން 35.6 ޑިގްރީ ސެލްސިއަސްގައި ހުންނާނެ ކަމަށް އެ އިދާރާއިން ބުންޏެވެ.
ކިޔުންތެރިންގެ ހިޔާލު