ކުރިއަށް އޮތް ބޮޑު ބަންދުގެ ތެރޭގައި މޯލްޑިވިއަން އެއާލައިން މެދުވެރިކޮށް ތައިލެންޑްގެ ވެރިރަށް ބެންކޮކަށް ދަތުރުކުރެވޭ ފެއާއެއް ތައާރަފްކޮށްފިއެވެ.
މޯލްޑިވިއަނުން މިއަދު ވިދާޅުވީ އަންނަ ޑިސެމްބަރު 8 އިން ފެށިގެން ޖެނުއަރީ 19 ގެ ނިޔަލަށް ކޮންމެ އަންގާރަ ދުވަހަކު މޯލްޑިވިއަނުން ބެންކޮކަށް ދަތުރު ކުރުމަށް ހަމަޖެހިފައިވާ ކަމަށެވެ. މޯލްޑިވިއަންގައި ދަތުރުކުރާ ފަރާތްތަކަށް 25 ކިލޯގެ ބަގެޖް އެލަވަންސެއް ލިބިގެންދާނެއެވެ.
މި ފެއާގެ ދަށުން ކުރާ ދަތުރުގެ ދެކޮޅު ޓިކެޓުގެ އަގަކީ 530 ޑޮލަރެވެ.
އެ މުއްދަތުގެ ތެރޭގައި މޯލްޑިވިއަން އެއާލައިން މެދުވެރިކޮށް ދަތުރު ކުރަން ބޭނުން ނަމަ، ބުކް ކުރުމުގެ ފުރުސަތު ވަނީ ހުޅުވާލައިފައެވެ.
ރާއްޖޭގެ ދަތުރުފަތުރުގެ ނިޒާމު ހަރުދަނާކޮށް ރައްޔިތުންނަށް ދަތުރުފަތުރު ކުރުމުގެ ލުއިފަސޭހަ ނިޒާމެއް ގާއިމްކުރުމަކީ ސަރުކާރުގެ އަމާޒެކެވެ.
މޯލްޑިވިއަންގެ ދަތުރުތައް ދޭތެރެ ދޭތެރެއިން އަގުހެޔޮ ކުރަނީ ހިދުމަތުގެ ފެންވަރު ރަނގަޅުކޮށް، ދަތުރުފަތުރު ކުރާ ފަރާތްތަކަށް އަތްފޯރާ އަގެއްގައި ދަތުރުކޮށްލުމުގެ ފުރުސަތު ފަހިކޮށްދިނުމުގެ ގޮތުންނެވެ.
ކިޔުންތެރިންގެ ހިޔާލު