ފީފާގެ ރައީސްގެ އިންތިޚާބުގައި ޖިއާނީ އިންފަންޓީނޯއާ ދެކޮޅަށް ނެރޭނީ ޔޫރަޕުގެ މީހެއްކަމަށް ޔުއެފާއިން ބުނެފިއެވެ.
ވޯލްޑް ފުޓްބޯޅަ ސަމިޓަށް ފަހު ވާހަކަ ދައްކަމުން އެ ޖަމާއަތުގެ ނާއިބް ރައީސް ލައުރާ މެކްއަލިސްޓާ ވިދާޅުވީ އިންފަންޓީނޯއާ ދެކޮޅު ރޫހު މަރެއް ނުވާނެކަމަށާއި، އޭނާއާ ދެކޮޅަށް ނެރޭނީ ރަނގަޅު ކެންޑިޑޭޓެއްކަމަށެވެ. އެކަމަށް ވަރަށް ބޮޑަށް މަސައްކަތްކުރަމުންދާކަމަށް ޔުއެފާގެ ނައިބު ރައީސް ވިދާޅުވިއެވެ.
އެމީހާ ވާން ޖެހޭނީ އެންމެން ގޮވައިގެން އުޅޭ ބަދަލުތަކެއް ގެންނާނެ މީހަކަށް. އަހަރުމެން ނެރޭ ކެނޑިޑޭޓް ވާން ޖެހޭނީ ޔޫރަޕުގެ މީހަކަށް.
ޔުއެފާގެ ނައިބް ރައީސް ލައުރާ މެކްއަލިސްޓާ ވިދާޅުވިއެވެ.
އޭނާ ވިދާޅުވީ އިންފަންޓީނޯ އަލުން އިންތިހާބުނަމަ ކަންތައްތަވާނެ ގޮތެއް މިހާރު ބުނަން ނޭނގޭ ކަމަށާއި ނަމަވެސް ފީފާގެ ރައީސް ކަމަށް އަންނަ މާޗު މަހު ކޮންމެ މީހަކު ހޮވުނަސް މިހާރު ދިމާވި ކަންކަމުން މިއީ ވަރަށް ބޮޑު އިބްރަތަކަށްވާނެ ކަމަށެވެ. ޔޫއޭފާއިން އިންފަންޓީނޯއާ ދެކޮޅަށް ތެދުވީ ވޯލްޑް ކަޕާއި ފިފާގެ މުބާރާތްތައް ބާއްވަން ފީފާގެ ތެރެއިން ވިޔަފާރި ކުންފުންޏެއް އުފައްދައި އެ ކުންފުނީގެ ހިއްސާ އެމެރިކާގެ ވިޔަފާރިވެރިންތަކަކަށް ވިއްކާލަން އުޅުނު މައްސަލާގަ އެވެ. މިކަމާ ދެކޮޅު ހަދައި ޔޫއޭފާ އާއި ކޮންކާކަފާއި އޭޝިޔާގެ ގިނަ ގައުމުތައް ތިބީ އިންފަންޓީނޯއާ ދެކޮޅަށެވެ.
މާޗު މަހު ބާއްވާ އިންތިހާބުގައި އިންފަންޓީނޯ ވާދަކުރައްވާނެ އެވެ. އަދި އޭނާ ވަނީ އިންތިހާބުގެ ކެމްޕޭން ފަށްޓަވާފަ އެވެ.
ކިޔުންތެރިންގެ ހިޔާލު