ރާއްޖޭގައި ޤާނޫނާއި ޤަވާއިދާ ހިލާފަށް ބޭރު ފައިސާ ގަނެ ވިއްކުގެ މަސައްކަތް ކުރަމުންދިޔަ ބަޔަކު އަތުލައިގެންފި އެވެ.
ދިވެހި ފުލުހުންގެ ޚިދުމަތުން ރޭ ބުނީ އެ އިދާރާއާ މޯލްޑިވްސް އިމިގްރޭޝަން ގުޅިގެން ހިންގި ހާއްސަ އޮޕަރޭޝަނެއްގަ ރާއްޖޭގައި ޤާނޫނާއި ޤަވާއިދާ ހިލާފަށް ބޭރު ފައިސާ ގަނެ ވިއްކުގެ މަސައްކަތް ކުރަމުންދިޔަ ބަޔަކު އަތުލައިގެންފައިވާ ކަމަަށެވެ.
އެ ތިން މީހުން އަތުލައިގަތީ ޤާނޫނާއި ޤަވާއިދާ ޚިލާފަށް ބޭރު ފައިސާ ގަނެވިއްކުމުގެ މުއާމަލާތް ހިންގާ ފަރާތްތައް ދެނެގަނެ ފިޔަވަޅު އެޅުމަށް ދެ އިދާރާ ގުޅިގެން ފެށި އޮޕަރޭޝަންގައި ކަމަަށް ވެސް ބުންޏެވެ.
ފުލުހުން ބުނީ އެ ތުހުމަތުގައި އަތުލައިގަތީ ބަންގްލަދޭޝްގެ ހަ ފިރިހެނުން ކަމަށެވެ. ފުލުހުން ވަނީ އެ މީހުންގެ ފޮޓޯއާ ވަނަވަރު ވަނީ އާންމުކޮށްފަ އެވެ.
މިހާތަނަށް ތަހުގީގަށް އެއްކުރެވިފައިވާ މައުލޫމާތުން މި ތިން މީހުންގެ އެކައުންޓްގައި މިދިޔަ ތިން އަހަރުތެރޭ 54،429،550 މިލިއަން ރުފިޔާ އާއި 1،627،810 މިލިއަން ޑޮލަރު ދައުރުކޮށްފައިވާ ކަމަށް ވެސް ބުންޏެވެ.
މި ތިން މީހުންނަކީ ހުއްދަ ދީފައިވާ ދާއިރާއިން ބޭރުން، ބޭރު ފައިސާ ގަނެވިއްކުމުގެ ދާއިރާގައި ހަރަކާތްތެރިވާ ބައެއް ކަމަަށެވެ.
ފުލުހުން ބުނީ ގާނޫނާއި ހިލާފަށް ބޭރު ފައިސާގަނެ ވިއްކާ ފަރާތްތަކުގެ މައްސަލަ ބެލުމަށް މިހާތަނަށް ޓާސްކުފޯހުން އެއްކޮށްފައިވާ މައުލޫމާތުތައް ދިރާސާކުރިއިރު ބައެއް އަމިއްލަ ފަރުދުންގެ ނަމުގައި ހުޅުވާފައިވާ ބެންކު އެކައުންޓްތަކާއި އަމިއްލަ ފަރުދުންގެ ރަޖިސްޓްރީ ކޮށްފައިވާ ވިޔަފާރިތައް ބިދޭސީން އިސްވެ ހިންގާ ގާނޫނާއި ހިލާފު އަމަލުތަކުން ހޯދާ ފައިސާ ދައުރުކޮށް މުއާމަލާތް ކުރުމަށް އެ ފަރާތަތަކާއި ހަވާލުކޮށްފައި ހުންނަ ކަމަށެވެ.
ފުލުހުންގެ ވަނީ އެފަދަ ކަމަކަށް ފުރުސަތު ނުދޭން އިލްތިމާސް ކޮށްފަ އެވެ.
ކިޔުންތެރިންގެ ހިޔާލު