ޤައުމީ އެއަރލައިން މޯލްޑިވިއަނުން އޮސްޓްރޭލިއާއަށް ފެށި ދަތުރުތަކުގެ ޑިމާންޑް ބޮޑުވެ އަންނަ އަހަރުން ފެށިގެން ޝެޑިއުލް ދަތުރުތައް ކުރުމަށް އެކުންފުނިން ނިންމައިފިއެވެ.
މޯލްޑިވިއަނުން އޮސްޓްރޭލިއާގެ މެލްބަންއަށް ސީދާ ދަތުރުތައް ފެށީ މިއަހަރުގެ މޭ މަހުގެ 18ވަނަ ދުވަހުއެވެ. ޤައުމީ އެއަރލައިނުން ބުނީ އޮސްޓްރޭލިއާގެ މެލްބާންއަށް އެ ކުންފުނިން ފެށި ދަތުރުތަކުގެ ޑިމާންޑް ބޮޑުވެ އަންނަ އަހަރުން ފެށިގެން ޝެޑިއުލްކޮށް ކޮންމެ ހަފުތާއަކު 1 ދަތުރު ކުރުމަށް ހަމަޖެހިފައިވާކަމަށެވެ. މި ދަތުރުތައް ކުރަނީ އެ ކުންފުނީގެ ފްލީޓްގައި ހިމެނޭ އޭ380 މަތިންދާބޯޓުގައެވެ.
އޮސްޓްރޭލިއާއަށް ދަތުރު ފެށުމާ ގުޅިގެން މީގެކުރިން މޯލްޑިވިއަނުން ވިދާޅުވެފައިވަނީ މެލްބަންއަށް ދަތުރުތައް ފެށީ ވަރަށް ބޮޑަށް ދިރާސާކުރުމަށްފަހުގައިކަމަށެވެ. އޮސްޓްރޭލިއާއަކީ ރާއްޖެއަށް ގިނަ އަދަދަކަށް ފަތުރުވެރިން އަންނަ ގައުމަކަށް ވުމަކީ މި ދަތުރުތައް ފެށި މައިގަނޑު އެއް ސަބަބުކަމަށް އެ ކުންފުނިން އެއިރު ވަނީ ބުނެފައެވެ.
ޤައުމީ އެއަރލައިނުން ބުނީ ތިން މަސްދުވަހަށްފަހު ޑިމާންޑަށް ބެލުމަށްފަހު ޝެޑިއުލް ދަތުރުކުރުމަށް ނިންމިއިރު، މި ދަތުރުތަކާއެކު ރާއްޖެއަށް އޮސްޓްރޭލިއާއިން އަންނަ ފަތުރުވެރިންގެ އަދަދު އިތުރުވެފައިވާކަމަށެވެ.
ކިޔުންތެރިންގެ ހިޔާލު