ރައްޔިތުންގެ ސަލާމަތާއި ރައްކާތެރިކަން ކަށަވަރުކުރުމަށް ރ. ފައިނުގައި އިމާރާތް ކުރަމުންދާ ޕޮލިސް ޕޯސްޓުގެ މަސައްކަތް ބާރަށް ކުރިއަށް އެބަދެއެވެ.
މި މަޝްރޫއަކީ ދިވެހި ފުލުހުންގެ ޚިދުމަތާ އެކު ވެވުނު އެއްބަސްވުމެއްގެ ދަށުން ރާއްޖޭގެ 10 ރަށެއްގައި ޕޮލިސް ޕޯސްޓް އިމާރާތް ކުރުމަށް އެމްޓީސީސީއާ ހަވާލުކޮށްގެން ކުރިއަށްގެންދާ މަސައްކަތްތަކުގެ ތެރޭގައި ހިމެނޭ މަޝްރޫއެކެވެ. ފައިނު ޕޮލިސް ޕޯސްޓުގެ ސައިޓުގައި މިހާރު ކުރިއަށްދަނީ އިމާރާތުގެ ފުރާޅުގެ މަސައްކަތްތަކެވެ.
ދިވެހި ފުލުހުންގެ ޚިދުމަތުން ބުނެފައިވާ ގޮތުގައި އަލަށް އިމާރާތް ކުރެވޭ ޕޮލިސް ޕޯސްޓްތަކާ އެކު އެ ރަށްރަށުގެ އަމާންކަން ބެލެހެއްޓުމަށާއި ކުށް މަދުކުރުމަށް އިތުރު ކުރިއެރުމެއް ލިބިގެންދާނެއެވެ. އަދި އަތޮޅުތެރޭގެ ރަށްރަށުގައި ފުލުހުންގެ ޚިދުމަތް ފުޅާކޮށް، ރައްޔިތުންނާ ގާތުން ޚިދުމަތް ދިނުމަށް އިތުރު ފަސޭހަތަކެއް ލިބޭނެ ކަމަށްވެސް ފުލުހުން ބުނެއެވެ.
މި މަޝްރޫއުގެ ދަށުން އިމާރާތް ކުރެވޭ ޕޮލިސް ޕޯސްޓްތައް ނިމުމުން، އެ ރަށްރަށުގައި ގާއިމުވެ ތިބެ ފުލުހުން ޚިދުމަތް ދިނުމުގެ ގާބިލުކަން އިތުރުވެގެންދާނެއެވެ. އެމްޓީސީސީން ދަނީ މި އިމާރާތްތަކުގެ މަސައްކަތްތައް ތާވަލާ އެއްގޮތަށް ނިންމުމަށް ގިނަ މަސައްކަތްތަކެއް ކުރަމުންނެވެ.
ކިޔުންތެރިންގެ ހިޔާލު