އެމްޓީސީސީން ނެރެ އާއްމުކޮށްފައިވާ 2025 ވަނަ އަހަރުގެ އަހަރީ ރިޕޯޓަށް ބަލާއިރު ގްރޫޕް ކުންފުންޏަށް މިދިޔަ އަހަރު 2.1 ބިލިއަން ރުފިޔާގެ އާމްދަނީއެއް ވަނީ ލިބިފައެވެ. މިދިޔަ އަހަރު ހިދުމަތް ދިނުމުގެ ހަރަދުގެ ގޮތުގައި 1.7 ބިލިއަން ރުފިޔާ ރެކޯޑް ކުރެވިފައިވާއިރު، އެމްޓީސީސީ ހިންގުމުގެ ފައިދާ 8 އިންސައްތަ އިތުރުވެ 179 މިލިއަން ރުފިޔާއަށް ވަނީ އަރާފައެވެ
އެމްޓީސީސީގެ ޓްރޭޑިން އެކައުންޓަށް ބަލާއިރު 2024 ވަނަ އަހަރާ އަޅާބަލާއިިރު މިދިޔަ އަހަރު އެކުންފުނީގެ އިދާރީ ހަރަދުތައް 366.9 މިލިއަން ރުފިޔާގައި ހުރިއިރު، ފައިސާ ހޯދުމަށް ކުރި ހޭދަ ވަނީ ދަށަށްގޮސްފައެވެ. އެގޮތުން 2024 ވަނަ އަހަރު ފައިނޭންސް ކޯސްޓް ގޮތުގައި 125.2 މިލިއަން ރުފިޔާގައި ހުރިއިރު، މިދިޔަ އަހަރު މި އަދަދު ހުރީ 83.2 މިލިއަން ރުފިޔާގައެވެ.
އެމްޓީސީސީއަށް މިދިޔަ އަހަރު ސާފްފައިދާގެ ގޮތުގައި 84.8 މިލިއަން ރުފިޔާ ލިބުނުއިރު ޓެކްސްއަށް ކެނޑުމުގެ ކުރިން ފައިދާއަކީ 98.4 މިލިއަން ރުފިޔާއެވެ.
އެމްޓީސީސީ މާލީ ބަޔާނުގެ އުސްއަލިތަކަށް ބަލާއިރު، އަނބުރާ ދައްކަން އޮތް ދަރަނި ނިސްބަތުން ދަށްވަމުން އަންނައިރު، މިހާރު އަނބުރާ ދައްކަން ހުރި ދަރަނި އުޅެނީ 206.5 މިލިއަން ރުފިޔާގައެވެ. މިދިޔަ އަހަރުގެ ކުރީ އަހަރު މި އަދަދު ހުރީ 230.7 މިލިއަން ރުފިޔާގައެވެ.
ކިޔުންތެރިންގެ ހިޔާލު