ވިލިމާލޭގެ ގޮނޑުދޮށް ހިމާޔަތްކުރުމުގެ މަޝްރޫއާއި އެ ރަށު ބަނދަރުގެ ޑިންގީ ޖެޓީ ހެދުމުގެ މަޝްރޫއުގެ އެއްބަސްވުމުގައި، މިނިސްޓްރީ އޮފް އިންފްރާސްޓްރަކްޗާ، ހައުސިން އެންޑް އާބަން ޑިވެލޮޕްމަންޓާއި މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އާ ދެމެދު ސޮއިކޮށްފިއެވެ.
މި އެއްބަސްވުންތަކުގައި އިންފްރާސްޓްރަކްޗާ މިނިސްޓްރީގެ ފަރާތުން ސޮއިކުރެއްވީ ސްޓޭޓް މިނިސްޓަރު އިސްމާއީލް ހަމީދެވެ. އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު ޑީސީޕީ (ރިޓަޔާޑް) އަހުމަދު ސައުދީއެވެ.
ވިލިމާލޭ ގޮނޑުދޮށް ހިމާޔަތްކުރުމުގެ މަޝްރޫއު އެމްޓީސީސީއާ ހަވާލުކޮށްފައިވަނީ ސަތޭކަ އައްޑިހަ ދުވަހުގެ ތެރޭގައި ނިންމާ ގޮތަށެވެ. މި މަޝްރޫއުގެ ދަށުން އެކެއް އިންސައްތަ އެކެއް ހެކްޓަރުގެ ސަރަހައްދެއްގެ ގޮނޑުދޮށަށް ވެލިއެޅުމާއި، ސަތޭކަ ފަންސާސް މީޓަރުގެ ބޮޑުހިލައިގެ ރިވެޓްމަންޓް ޖެހުން ހިމެނެއެވެ. މީގެ އިތުރުން ސަތޭކަ އައްޑިހަ އެކެއް މީޓަރުގެ ބޮޑުހިލަ ސަބްމާޖްޑް ބްރޭކްވޯޓާ ޖެހުމާއި، ކުރިން ހަދާފައިވާ ބްރޭކްވޯޓާގެ ތެރެއިން ފަސްދޮޅަސް މީޓަރުގެ ސަރަހައްދެއް ނެގުމުގެ މަސައްކަތް ކުރިއަށްދާނެއެވެ.
ވިލިމާލޭ ޑިންގީ ޖެޓީ ހެދުމުގެ މަޝްރޫއު އެމްޓީސީސީއާ ހަވާލުކޮށްފައިވަނީ ސަތޭކަ ފަންސާސް ދުވަހުގެ ތެރޭގައި ނިންމުމަށެވެ. މި މަޝްރޫއުގެ ދަށުން ތިން ހާސް ހަސަތޭކަ ނުވަދިހަ އަށް ކިއުބިކް މީޓަރުގެ ވެލި ބަނދަރު ތެރެ އަދި ނެރު ފުންކުރުމާއި، ރޭމްޕާއި ސިޑި ހިމެނޭހެން ހަތްދިހަ ހަތަރު މީޓަރުގެ އެއްގަމު ވާޓަރު ގާއިމުކުރުން ހިމެނެއެވެ.
މީގެ އިތުރުން ތިން މީޓަރުގެ ބޮޑުހިލައިގެ ރިވެޓްމަންޓާއި ސޫވީސް ހަތަރު މީޓަރުގެ ބޮޑުހިލައިގެ ބްރޭކްވޯޓާ ޖެހުންވެސް މި މަޝްރޫއުގެ ތެރޭގައި ހިމެނެއެވެ. އަދި ހަތްދިހަ ހަތަރު މީޓަރު ދިގު، ދެ މީޓަރު ފުޅާ ކޮންކްރީޓް ޖެޓީއެއް ހެދުމުގެ މަސައްކަތްވެސް މި މަޝްރޫއުގެ ދަށުން ކުރިއަށްދާނެއެވެ.
ކިޔުންތެރިންގެ ހިޔާލު