މީގެ އިތުރުން ޕާކިސްތާނު ހައިކޮމިޝަނުން، އައްލާމާ މުހައްމަދު އިގުބާލް ޔުނިވާސިޓީގައި ކިޔެވުމަށް ހަތް ދާއިރާއަކުން ފުރުސަތު ހުޅުވާލާފައިވާއިރު، އެއީ އިންޖިނިއަރިން އެންޑް ޓެކްނޮލޮޖީއާއި ބިޒްނަސް އެންޑް އިކޮނޮމީއާއި ފުޑް ސެކިއުރިޓީ އެންޑް އިންޓަނޭޝަނަލް ރިލޭޝަނާއި ކޮމްޕިއުޓާ ސައިންސް އެންޑް ޓެކްނޮލޮޖީއާއި އެލައިޑް ހެލްތު ސައިންސާއި މީޑިއާ އެންޑް ލޭންގުއޭޖުގެ އިތުރުން އެގްރިކަލްޗާ އެންޑް ސޯޝަލް ސައިންސްގެ ދާއިރާއިންނެވެ. ބެޗްލާސް ޑިގްރީއަށް ކިޔެވުމަށް ދީފައިވާ އެ ސްކޮލާޝިޕްތަކަށް އެޕްލައިކުރުމުގެ ފުރުސަތު  ހަމަވާނީ އޯގަސްޓު މަހުގެ 10ގައެވެ.

މޮރޮކޯއިން 20 ސްކޮލަޝިޕް ދީފައިވެއެވެ. އޭގައި ހިމެނެނީ ބެޗްލާސް ޑިގްރީއަށް ކިޔަވަންދޭ 10 ފުރުސަތާއި މާސްޓާސްއަށް ކިޔަވަންދޭ ފަސް ފުރުސަތާއި، ޕީއެޗްޑީއަށް ކިޔަވަންދޭ ފަސް ސްކޮލާޝިޕެވެ. އެ ސްކޮލާޝިޕަށް ކުރިމަތިލުމުގެ ފުރުސަތު ހަމަވާނީ މިމަހުގެ 30އަށެވެ.

ތައިލެންޑުން ހުޅުވާލާފައިވާ ސްކޯލަރޝިޕްގައި  މާސްޓާސް ކިޔެވުމަށް ފުރުސަތު ހުޅުވާލާފައި ވަނީ އަންނަ މަހުގެ ނިޔަލަށެވެ.

މި ސްކޯލަރޝިޕްތަކަށް އެދި ހުށައެޅޭނީ ފޯމާއެކު، އެމްކިއުއޭގެ ތައްގަނޑު ޖަހައިފައިވާ ތައުލީމީ ސެޓްފިކެޓުތަކުގެ ކޮޕީއަކާއި ޓްރާންސްކްރިޕްޓުގެ ކޮޕީއަކާއި އެންމެ ފަހުން ކިޔެވި ސްކޫލަކުން ގުޑް ކޮންޑަކްޓް ސެޓްފިކެޓުގެ ކޮޕީއަކާއި އެޗްއައިވީއާއި އެއިޑްސްއާއި ޓީބީ ޓެސްޓު ހިމެނޭ ގޮތަށް ހަދާފައިވާ މެޑިކަލް ރިޕޯޓާއެކުއެވެ.

ސްކޯލަރޝިޕްތަކަށް މަތީ ތަޢުލީމާބެހޭ ވުޒާރާގެ ޕޯޓަލުން ހުށައެޅޭނެއެވެ.