ވޯލްޑް ކަޕް ފުޓްބޯޅަ މުބާރާތުގެ ޗެމްޕިއަނުންނަށް ހާއްސަ ރަން އަނގޮޓިއެއް ދޭން ފުޓްބޯޅައިގެ މައިި އިދާރާ، ފީފާއިން ނިންމައިފިއެވެ.
ފީފާއިން ވަނީ މުބާރާތުގެ ޗެމްޕިއަންކަން ހޯދާ ޓީމުގެ ކުޅުންތެރިންނާއި މުހިންމު އޮފިޝަލުންނަށް ހާއްސަކޮށް 30 އަނގޮޓި ދިނުމަށް ނިންމާފައެވެ. އެހެންނަމަވެސް ފުރަތަމަ ދިނުމަށް ނިންމާފައިވަނީ ރަމްޒީ އަނގޮޓިއެވެ. އަދި ކުޅުންތެރިންނާއި އޮފިޝަލުންނަށް އަނގޮޓި ހެޔޮވަރުކޮށް ހަދާފައި ދޭނީ މުބާރާތް ނިމުމުން ޗެމްޕިއަންކަން ހޯދި ޓީމުގެ ކުޅުންތެރިންނާއި އޮފިޝަލުންގެ އިނގިލިތަކުގެ މިންތައް ނެގުމަށްފަހު. މި އަނގޮޓީގައި ޗެމްޕިއަންކަން ހޯދާ ގައުމުގެ ނަމާއި ވޯލްޑް ކަޕް ތަށި ކަނޑައި ނަގާފައި ހުންނާނެއެވެ.
މުޅިން އަލަށް ތައާރަފް ކުރާ މި އަނގޮޓި އަކީ މުބާރާތް ބާއްވާ މައި ގައުމު އެމެރިކާގެ ކުޅިވަރުގެ ސަގާފަތް ދެމެހެއްޓުމުގެ ގޮތުން ކުރާ ކަމެކެވެ. ނަމަވެސް މި އަނގޮޓީގެ އަގު ފފާއިން ހާމަނުކުރެއެވެ.
މިއީ ބައެއް ކުޅިވަރުތަކުގައި ބައެއް ސަރަހައްދުތަކުގައި ކޮށް އުޅޭކަމެކެވެ. އެގޮތުން އެމެރިކާގެ އެންބީއޭ އާއި އެހެން ބައެއް ކުޅިވަރު ތަކުގައި ވެސް ޗެމްޕިއަނުންނަށް މިފަދަ އަނގޮޓި ދެއެވެ. ނގޮޓި ތައްޔާރުކޮށްފައިވަނީ ރަނާއި ޖަވާހިރުގެ މާއްދާތައް ވެސް ހިމަނައިގެންނެވެ. މިހެންވެ މިއިން އަނގޮޓިއެއްގެ އަގު އެއް ލައްކަ ޑޮލަރަށްވުރެ މަތިވެއެވެ.
ފީފާއިން ތައްޔާރު ކުރަން ނިންމާފައިވަނީ 2026 އަނގޮޓި އެވެ. ކުޅުންތެރިންނާއި އޮފިޝަލުންނަށް 30 އަނގޮޓި ހާއްސަ ކުރުމަށްފަހު ބާކީ ބައި ވިއްކުމަށް ވަނީ ނިންމާފައެވެ.
ކިޔުންތެރިންގެ ހިޔާލު