ފީފާ ވޯލްޑު ކަޕްގެ ކުއާޓަރ ފައިނަލުގައި އިންގްލޭންޑާއި ނޯވޭ ކުޅުނު މެޗުގައި އިންގްލޭންޑުގެ ފުރަތަމަ ކާމިޔާބު ކުރި ލަނޑުގެ ހަމަލާ އުފެއްދުމަށް ލިބުނު ފުރުސަތުގެ ތެރެއިން މަތިން އަޅާފައިވާ ކެމެރާތަކުގެ ކޭބަލްގައި ބޯޅަ ޖެހުނުކަމަށް ނޯވޭގެ ކޯޗު ސްޓާލް ސޮލްބަކެން ބުނެފިއެވެ.
2-1 އިން ބަލިވި މެޗަށްފަހު މީޑިއާއާއި ވާހަކަ ދައްކަމުން ކޯޗު ބުނީ އެހާދިސާ ހިނގާފައިވަނީ ނޯވޭގެ ކީޕަރ އޯޔާން ނައިލަންޑް ބޯޅައެއް ކްލިއަރ ކުރުމުގެ ތެރޭގައި ކަމަށާއި އަދި ކޭބަލްގައި ބޯޅަ ޖެހި މިސްރާބު ކޮށްމެވެސް ވަރަކަށް ބަދަލުވެ ލިބިފައިވަނީ އިންގްލަންޑްގެ ކުޅުންތެރިޔަކަށް ކަމަށެވެ. އަދި އެއީ އިންގަލަންޑްގެ ފުރަތަމަ ހަމަލާ ލަނޑު ޖެހުމުގެ ހަމަލާ ފެށުނު ހިސާބު ކަމަށް އޭނާ ބުންޏެވެ.
ފުރަތަމަ ހާފު ނިމުމާއެކު މިކަމުގެ ޝަކުވާ ރެފްރީ ކައިރީގައިވެސް ކުރިނަމަވެސް މެޗުގެ ރެފްރީ ވަނީ އޭނާއަށް އެތަން ނުފެންނަ ކަމަށް ބުނުމުގެ އިތުރުން ވީއޭއާރުންވެސް އެފަދަ ކަމެއް ހިނގިކަމަށް އިޝާރާތް ކޮށްފައިނުވާކަމަށް ބުނެފައެވެ.
ބޯޅަ ކުއްލިއަކަށް މަތިން ވެއްޓުނީ ކަމަށާއި އެހެން ކަމުން ބޯޅައިގެ މިސްރާބު ބަދަލުވިކަން އެނގޭ ކޯޗު ބުންޏެވެ. އަދި މިކަމުގެ ސަބަބުން އޭނާގެ ކުޅުންތެރިންނަށް އޮޅުން އަރައިގެން ދިޔަކަމަށްވެސް އޭނާ ވަނީ ބުނެފައެވެ.
ނަމަވެސް ފީފާއިން އާންމު ކުރި ބަޔާނެއްގައިވަނީ ބޯޅަ ކޭބްލްގައި ޖެހުނު ކަމެއް ނުވަތަ ބޯޅައިގެ މިސްރާބު ބަދަލުވިކަމުގެ އެއްވެސް ހެއްކެތް ފެއްނަން ނެތްކަމަށް ބުނެފައެވެ. އަދި މިކަމުގައި ދެން ކުރެވޭނެ ކަމެއް ނޯންނާނެ ކަމަށާއި އެއީ އެކަން އެހެން ވީއޭ ކިޔާފަ މިމެޗު އަލަކުން ނުކުޅޭނެކަމަށްވެސް ނޯވޭގެ ކޯޗު ވަނީ ބުނެފައެވެ.
މިމެޗުގެ ނަތީޖާ އާމެދު ހިތާމަ ކުރާ ކަމަށާ އެއީ މިމެޗުން މޮޅުވުމުގެ ފުރުސަތު އެޓީމަށް އޮތް ކަން އެނގޭތީކަމަށްވެސް ނޯވޭގެ ކޯޗު ވަނީ ބުނެފައެވެ.
ކިޔުންތެރިންގެ ހިޔާލު