ދިވެހި ފުލުހުންގެ ޚިދުމަތަށް ބޭނުންވާ ތަފާތު މުދަލާއި، ޚިދުމަތް އަދި މަސައްކަތްތައް ފޯރުކޮށްދޭ ފަރާތްތައް ހިމެނޭ “ވެންޑަރ ޕޫލް” އެކުލަވާލުމަށްޓަކައި، އެ ޕޫލްގައި ރަޖިސްޓްރީވުމުގެ ފުރުސަތު ދިވެހިރާއްޖޭގައި ރަޖިސްޓްރީކޮށްގެން ހިންގާ ވިޔަފާރިތަކަށާއި، މުދާ ފޯރުކޮށްދޭ ފަރާތްތަކުގެ އިތުރުން މަސައްކަތްތެރިންނަށް ހުޅުވާލައިފިއެވެ.
މި ވެންޑަރ ޕޫލަކީ ދިވެހި ފުލުހުންގެ ޚިދުމަތަށް ބޭނުންވާ ތަކެއްޗާއި ހިދުމަތްތަކުގެ ތެރެއިން، އަގު 35,000.00ރ (ތިރީސްފަސްހާސް ރުފިޔާ) އަށް ވުރެ ކުޑަ މުދަލާއި ހިދުމަތްތައް ފޯރުކޮށްދިނުމަށް އެކުލަވާލާ ޕޫލެކެވެ. އިއުލާން ނަންބަރު 171-Y(FBM2)/IUL/2026/129 އާ ގުޅިގެން މި ޕޫލްގައި ރަޖިސްޓްރީވުމަށް އެދޭ ފަރާތްތަކުން، އިއުލާނާއެކު ޝާއިއުކޮށްފައިވާ މައުލޫމާތު ކަރުދާހާ އެއްގޮތަށް “ވެންޑަރ ރެޖިސްޓްރޭޝަން ފޯރމް” ފުރިހަމަކުރުމަށްފަހު، ހުށަހަޅަންޖެހޭ ލިޔެކިޔުންތަކާއެކު އީމެއިލް މެދުވެރިކޮށް ހުށަހަޅަންޖެހެއެވެ.
އެގޮތުން ފުރިހަމަކޮށްފައިވާ ފޯރމާއި ލިޔެކިޔުންތައް [email protected] އަށް އީމެއިލް ކުރުމަށްފަހު، [email protected] އަށް އޭގެ ކޮޕީއެއް ފޮނުވަންޖެހޭނެއެވެ. އަދި ވެންޑަރ ޕޫލްގައި ރަޖިސްޓްރީވިކަން ކަށަވަރުވާނީ ރަޖިސްޓްރީ ނަންބަރު ލިބުމުންނެވެ.
މި ވެންޑަރ ޕޫލްގައި ރަޖިސްޓްރީ ވުމުގެ އެންމެ ފަހު ސުންގަޑިއަކީ 2026 ޖުލައި 30 ވާ ބުރާސްފަތި ދުވަހުގެ 12:00 އެވެ. މި ސުންގަޑީގެ ފަހުން ލިބޭ އެއްވެސް ފޯރމެއް ބަލައިނުގަނެވޭނެއެވެ.
މިކަމާ ގުޅޭ އިތުރު މައުލޫމާތު ދިވެހި ފުލުހުންގެ ޚިދުމަތުގެ ޕްރޮކިއުމަންޓް ސެކްޝަނުގެ ނަންބަރު 9790052 ފޯނަށް ގުޅައިގެން ނުވަތަ [email protected] އީމެއިލް މެދުވެރިކޮށް ސާފުކުރެވޭނެއެވެ.
ގެޒެޓްގައި ޝާއިއުކޮށްފައިވާ އިއުލާން: https://www.gazette.gov.mv/iulaan/401451
ކިޔުންތެރިންގެ ހިޔާލު