ވޯލްޑްކަޕް ފުޓްބޯޅަ މުބާރާތުގައި ވާދަކުރާ އިނގިރޭސި ޓީމުގެ ކުޅުންތެރިންގެ ނިދުމަށް ބުރޫއެރިޔަ ނުދިނުމަށް ފިޔަވަޅުތަކެއް އަޅައިފިއެވެ. މިގޮތުން މުބާރާތުގައި ވާދަކުރުމަށް ޓީމު ކޭމްޕުކޮށްގެން ތިބޭ ހޮޓަލުގެ ވަށައިގެންވާ މަގުތައް މިހާރު ވަނީ ބަންދުކޮށްފައެވެ.
އިނގިރޭސި ޓީމުގެ ކުޅުންތެރިންގެ ނިދުމަށް ބުރޫ ނާރާގެގޮތަށް ފިޔަވަޅުތަކެއް އަޅާފައިމިވަނީ، މުބާރާތުގެ ގަދަ 32 ޓީމު ވާދަލުރާ ބުރުގައި ކްސިކޯއާ ދެކޮޅަށް ކުޅުނު މެޗުގެ ކުރިން އިކުއެޑޯގެ ކުޅުންތެރިންގެ ނިދުމަށް ބުރޫއެރުމުންނެވެ. އެއީ އެ މެޗުގެ އޮތް ދުވަހުގެ ކުރީ ރޭ މެކްސިކޯގެ ސަޕޯޓަރުން ސަޕޯޓަރުން ހޮޓާ ކައިރިއަށް އެއްވެ އަޑުގަދަކޮށް، އެތަނުގައި ބަޑިބޭސް ގޮއްވައި، ހަވާ އަރުވައި ވެހިކަލްތަކުގެ އަޑުގަދަކޮށް ހަދައި، އެކުއެޑޯ ކުޅުންތެރިންގެ ނިދުމަށް ބުރޫއެރުވި މައްސަލައެއް ފެންމަތިވުމުންނެވެ.
އެހެންކަމުން އިނގިރޭސި ޓީމުގެ ކުޅުންތެރިންގެ ނިދުމަށް ބުރޫ ނާރާނެގޮތަށް ދުރާލާ ފިޔަވަޅުތަކެއް އެެޅީއެވެ.
އަންނަ ހޯމަ ދުވަހު އިނގިރޭސިން ނިކުންނާނީ މެކްސިއޯއާ ދެކޮޅަށެވެ. އެ މެޗު ކުޅޭނީ ދެހާސް މީޓަރަށްވުރެ އުސް ސަރަހައްދެއްގައި އޮންނަ މެކްސިކޯސިޓީގެ އަޒްޓެކާ ސްޓޭޑިއަމްގައެވެ. ވުމާއެކު ފިނީގެ މައްސަލަ އިނގިރޭސި ޓީމަށް ކުރާނެކަމށް ބަލައި އެކަމަށްވެސް ފިޔަވަޅު އެޅުމަށް ވަނީ ކޯޗު ނިންމާފައެވެ. އެގޮތުން މޫސުމަށް ހޭނުމަށް އިނގިރޭސި ޓީމު ދެދުވަސް ކުރިން އެ ސިޓީއަށް ދިއުމަށްވެސް ވަނީ ނިންމާފައެވެ.
މީގެ އިތުރުން އުސް ތަނެއްގައި ކުޅޭއިރު ބޯޅައިގެ ދުވެއްޔަށްވެސް ބަދަލު އަންނާނެކަމަށް ބަލައި އެކަމަށްވެސް ތައްޔާރުވުމަށް ކޯޗު ވަނީ ނިންމާފައެވެ.
ކިޔުންތެރިންގެ ހިޔާލު