މިހާރު ކުރިއަށްދާ ފީފާ ވޯލްޑް ކަޕްގައި ގްރޫޕް އެލްގެ އެއްވަނަ ޓީމުގެ ގޮތުގައި އިންގްލޭންޑް އަދި ދެވަނަ ޓީމެއްގެ ގޮތުގައި ކްރޮއޯޝިއާއިން ދެވަނަ ބުރުގެ ޖާގަ ހޯދައިފިއެވެ. މި ގްރޫޕްގެ ފަހު ދެ މެޗު ކާމިޔާބުކޮށް އިންގްލެންޑާއި ކްރޮއޭޝިޔާ އެއްވަނަ ޓީމާއި ދެވަނަ ޓީމްގެ ގޮތުގައި ދެވަނަ ބުރު ޔަގީން ކުރި ނަމަވެސް ޤާނާވެސް ވަނީ 4 ޕޮއިންޓާއެކު ގަދަ 32 ޓީމް ވާދަކުރާ ބުރަށް ދަތުރުކޮށްފައެވެ.
އިންގްލޭންޑައި ޕެނަމާ ވާދަކުރި މެޗު ނިމުނީ 2-0 އިން އިންގްލޭންޑުން ކުރި ހޯދައިގެންނެވެ. މެޗުގައި އިންގްލެންޑްގެ ދެ ލަނޑު ދެވަނަ ހާފްގައި ފަސް މިނިޓްގެ ތެރޭގައި ޖެހީ ބެލިންގހަމް އާއި ހެރީ ކޭންއެވެ. 62 ވަނަ މިނިޓްގައި ބެލިންގހަމް ލީޑް ނަގައިދިނީ މިމުބާރާތުގައި ފުރަތަމަ އެގާރައިން ފުރަތަމަ ފަހަރަށް ފުރުޞަތު ދިން ބުކަޔޯ ސަކާ ނަގައިދިން ކޯނަރަކުންނެވެ. އަދި އޭގެ ހަތަރު މިނިޓް ފަހުން ކޭން ލަނޑު ޖަހަން ފުރުޞަތު ތަނަވަސްކޮށްދިނީ ބެލިންގހަމް އެވެ.
ގްރޫޕުން ދެވަނަ ކްރޮއޭޝިޔާ ޔަގީން ކުރީ 2-1 އިން ގާނާ ބަލިކޮށްގެންނެވެ.
ފުރަތަމަ ހާފްގައި ކްރޮއޭޝިޔާއަށް ލީޑް ނަގައިދިނީ ޕީޓަރ ސުސިޗް އެވެ. ދެވަނަ ހާފްގައި ޑެރިކް ލުކަސަން ލަނޑު ޖަހާ ޤާނާއަށް ނަތީޖާ ހަމަހަމަކޮށްދީފައި ވަނިކޮށް، ކްރޮއޭޝިޔާއިން ދެވަނަ ޔަގީންކުރި ލަނޑު ޖެހީ 83 ވަނަ މިނިޓްގައި ނިކޯލާ ވްލަސިޗް އެވެ. ގާނާގެ ލަނޑު ބަލައިގަތީ ވީއޭއާރުން ބެލުމަށްފަހުއެވެ.
އިންގްލެންޑް ގްރޫޕްގެ އެއްވަނަ ހޯދީ ތިން މެޗުން 7 ޕޮއިންޓާއެކުއެވެ. ކްރޮއޭޝިޔާ 6 ޕޮއިންޓް ހޯދިއެވެ. އެންމެ ރަނގަޅު ނަތީޖާ ހޯދި ތިންވަނަ ޓީމްތަކުގެ ތެރޭގައި ގާނާ ހިމެނުނީ 4 ޕޮއިންޓާއެކުއެވެ.
ކިޔުންތެރިންގެ ހިޔާލު