ވޯލްޑު ކަޕްގެ ތާރީޚުގައި 40 އަހަރުފަހުން ފުރަތަމަ ފަހަރަށް މެކްސިކޯ ނޮކްއައުޓު ބުރުގެ މެޗެއް ކާމިޔާބުކޮށްފިއެވެ.
ވޯލްޑް ކަޕް 32 ޓީމު ވާދަކުރާ ބުރުގައި މެކްސިކޯއިން ކުރި ހޯދީ އިކުއެޑޯގެ މައްޗަށް 2-އިން ކުރި ހޯދައިގެންނެވެ. މެކްސިކޯއަކީ މިފަހަރު މުބާރާތް ބާއްވާ ތިން ޤައުމުގ ެތެރެއިން އެއް ޤައުމެވެ. މެކްސިކޯގެ އިތުރުން މުބާރާޓް ކުރިއަށްދަނީ ކެނެޑާ އަދި އެމެރިކާގައެވެ.
މެކްސިކޯއާއި އިކުއެޑޭ ބައްދަލުކުރި މެޗުގައި މެކްސިކޯގެ ދެ ލަނޑުވެސް ކާމިޔާބު ކޮށްފައި ވަނީ ފުރަތަމަ ހާފުގައެވެ. ފުރަތަމަ ލަނޑު 22 ވަނަ މިނިޓުގައި ހޫލިއަން ކުއިނޯނެސް ޖަހައިދިން އިރު 31 ވަނަ މިނިޓުގައި ލީޑު ފުޅާ ކޮށްދިން ލަނޑު ޖެހީ ރައުލް ހިމިނޭޒްއެވެ.
މިއީ މެކްސިކޯގެ ތާރީޚުގައި ނޮކްއައުޓު ބުރުން 40 އަހަރުފަހުން ލިބުނު ފުރަތަމަ މޮޅެވެ. އެގޮތުން 2022 ވަނަ އަހަރުގެ މުބާރާތުގައި ގްރޫޕް ސްޓޭޖުން މެކްސިކޯ ވަނީ ކަޓާފައެވެ. އަދި 1994އިން ފެށިގެން ޖެހިޖެހިގެން ހަތް މުބާރާތުގައިވެސް މެކްސިކޯ ވަނީ ގުރޫޕް ސްޓޭޖް ފަހަނައަޅައި ގަދަ 16 އިން ފުރުސަތު ހޯދިނަމަވެސް އެއްވެސް ފަހަރަކު ގަދަ 16 ފަހަނަ އަޅައި ދެވިފައެއް ނުވެއެވެ. އެންމެ ފަހުން ވޯލްޑް ކަޕްގައި ނޮކައުޓް ބުރުގެ މެޗެއް ކާމިޔާބު ކުރީ އެ ގައުމުގައި 1986 ވަނަ އަހަރު އޮތް މުބާރާތުގައެވެ.
މި މެޗު ނިމެން އެންމެ މިނެޓަކަށް ވެފައިވަނިކޮށް އިކުއެޑޯގެ އިކުއެޑޯގެ ޕިއެރޯ ހިންކަޕީއަށް ވަނީ ރަތްކާޑު ދައްކަފައެވެ.
ގަދަ 16 ގައި މެކްސިކޯ ވާދަ ކުރާނީ މިރޭ 9 ޖަހާއިރު އިންގްލެންޑާއި ޑީއާރު ކޮންގޯ ބައްދަލުކޮށް މޮޅުވާ ޓީމަކާއެވެ.
ކިޔުންތެރިންގެ ހިޔާލު