ގާނާއިން ވަރުގަދަ އިނގިރޭސިން ހުއްޓުވައި 0-0 އިން މެޗު އެއްވަރުކޮށްފިއެވެ.
މި ނަތީޖާއާއެކު މި ގްރޫޕުން ދެ ވަނަ ބުރު އަދި އެއްވެސް ޓީމަކަށް ޔަގީނެއް ނުވެ އެވެ. އިނގިރޭސިން އެއްވަނާގައިވަނީ ހަތަރު ޕޮއިންޓާއެކު ގޯލުގެ ތަފާތުންނެވެ. ގާނާ އަށް ވެސް ހަތަރު ޕޮއިންޓް ލިބިފައިވެ އެވެ. މި ގްރޫޕުގައި މިވަގުތު ޕޮއިންޓެއް ނުލިބިވަނީ މިރޭ ކުޅޭ ކްރޮއޭޝިޔާ އާއި ޕެނަމާ އަށެވެ. މުޅި މެޗު ކޮންޓްރޯލް ކުރީ އިނގިރޭސިންނެވެ. ލަނޑު ޖަހަން ގިނަ ފުރުސަތެއް ވެސް ހޯދި އެވެ. ނަމަވެސް އިނގިރޭސި ކުރީގެ ކެޕްޓަން އެލަން ޝިއަރާގެ ނަޒަރުގައި ގާނާގެ ގޯލު ފޫއަޅުވާލާނެހާ ވަރުގަދަ ހަމަލާތަކެއް އިނގިރޭސިންނަށް ނުއުފެއްދެ އެވެ.
މެޗު އެއްވަރުވުމަށްފަހު މި ގްރޫޕް ތަރުތީބު ކުރަން އިނގިރޭސިން ފަހު މެޗުގައި ނުކުންނާނީ ޕެނަމާއާ ދެކޮޅަށެވެ. ގާނާ ނުކުންނާނީ ކްރޮއޭޝިޔާއާ ދެކޮޅަށެވެ.
ކިޔުންތެރިންގެ ހިޔާލު