ހުޅުމާލެ ފޭސް ދޭއްގެ ފަރުކޮޅުފުށި ހިއްކި ބިމުގައި މިރޭ ހިންގި މާރާމާރީއެއްގައި ދެ މީހަކު ޒަޚަމުވެ، ހޮސްޕިޓަލްގައި ފަރުވާދޭން ފަށައިފިއެވެ.
ދިވެހި ފުލުހުންގެ ޚިދުމަތުން މައުލޫމާތު ދިން ގޮތުގައި، މި މާރާމާރީ ހިންގާފައިވަނީ ހުޅުމާލެ ފޭސް ދޭއްގެ ފަރުކޮޅުފުށި ހިއްކި ސަރަހައްދުގަ އެވެ. މި ހާދިސާގެ ރިޕޯޓް ފުލުހުންނަށް ލިބިފައިވަނީ މިރޭ އިރުއޮއްސި 6:37 ހާއިރު އެވެ. މި މާރާމާރީގައި އަނިޔާވެފައިވަނީ 21 އަހަރުގެ ފިރިހެނަކަށާއި 34 އަހަރުގެ ފިރިހެނަކަށެވެ.
މި ހާދިސާގައި އަނިޔާވި ދެ މީހުންނަށް ވެސް މިހާރު ހުޅުމާލެ ހޮސްޕިޓަލްގައި ދަނީ ފަރުވާދެމުންނެވެ. ފުލުހުން ކަށަވަރުކޮށްދިން ގޮތުގައި، ހޮސްޕިޓަލުން މައުލޫމާތު ދިން ގޮތުން އެ ދެ މީހުންގެ ހާލުވެސް ސީރިއަސް ނޫނެވެ.
މި މާރާމާރީއާ ގުޅިގެން މިހާތަނަށް އެއްވެސް މީހަކު ހައްޔަރުކޮށްފައި ނުވާ ކަމަށް ފުލުހުން ބުންޏެވެ. ނަމަވެސް، މި މައްސަލައާ ގުޅޭ ތަހުގީގު ދިވެހި ފުލުހުންގެ ޚިދުމަތުން މިހާރު ދަނީ ވަރަށް ބާރަށް ކުރިއަށް ގެންދަމުންނެވެ.
ކިޔުންތެރިންގެ ހިޔާލު