ފުޓްބޯޅާގައި ދުނިޔޭގެ ގަދަ ބަރެއްކަމަށްވާ ސްޕެއިނާ ބައްދަލުކުރި މެޗުގައި އެއްވަރުކުރި ކާބޯ ވާޑޭގެ ގޯލްކީޕަރު ވޮޒޭނިޔާގެ މަންމައަށް އެމެރިކާއިން ވިސާ ދީފިއެވެ.
ވޮޒޭނިއާގެ މަންމަ އަށް އޭނާ ކުޅޭތަން ބަލަން އެމެރިކާ އަށް އެތެރެނުވެވުނު ކަން ފެންމަތިވީ ސްޕޭން މެޗަށް ފަހުއެވެ. ވޮޒޭނިޔާ ބުނީ ސްޕޭން މެޗަށް އޭނާގެ މަންމަ އެމެރިކާގެ އެޓްލާންޓާ އަށް ގެންދިއުމަށް ވަރަށް ބޮޑަށް މަސައްކަތް ކުރި ކަމަށެވެ. ނަމަވެސް އެކަން ހަމަ ނުޖެހުނީ އެމެރިކާގެ ވިސާ ހޯދަން ދައްކަން ޖެހޭ 15000 ޑޮލަރު ހަމަނުކުރެވިގެން ކަމަށެވެ. ޕޯޗުގަލްގެ ދެވަނަ ފަންތީގައި ކުޅޭ ކީޕަރުގެ މަހު މުސާރަ އަކީ މަހަކު ހަތަރު ހާހާއި އަށް ހާހާ ދެމެދުގެ ޔޫރޯއެވެ. ގިނަވެގެން އޭނާ އަށް އަހަރަކު ލިބެނީ ލައްކައެއްހާ ޑޮލަރުކަމަށްވާއިރު، އަންހެނުންނާއި ދެ ކުދިންގެ ހަރަދު ބަލަހައްޓާފައި މިވަރުގެ ހޭދައެއް ކުރުމުގެ ތަނަވަސްކަން ވޮޒޭނިއާއަށް ލިބިފައި ނެތެވެ.
ސްޕޭންއާ ބައްދަލުކުރި މެޗުގެ ތިން ދުވަސްކުރިން ވޮޒޭނިއާގެ މަންމަ ޓީވީއަށް ދިން އިންޓަރވިއުއެއްގައި ވަނީ އޭނާގެ ދަރިފުޅު ހުއްޓައި ގޯލަށް ބޯޅަ ވައްދާލުމަކީ ލާހިކަ ކަމެއް ނޫން ކަމަށެވެ. މިހެން މިކަން ޮއއްވައި މެޗަށްފަހު މި އިންޓަވިއުވަނީ މުޅި ދުނިޔޭޣެސަމާލުކަންލިބި ދުނިޔޭގެ އެކި ކަންކޮޅުތަކަށް ފެތުރިފައެވެ.
އެމެރިކާގެ ސްޓޭޓް ޑިޕާޓްމަންތުން މިކަމާ ބެހޭ ގޮތުން ބުނީ ވޮޒޭނިއާގެ މަންމަ އެމެރިކާއަށް އެތެރެވުމަށް ވިސާއަށް އެދިފައިވާކަން ރެކޯޑްތަކުން އެނގެން ނެތް ކަމަށެވެ. ނަމަވެސް މުބާރާތުގައި ކުޅޭ 48 ގައުމުގެ ކުޅުންތެރިންގެ އާއިލާތަކަށް އެމެރިކާގެ ވިސާފީ މައާފް ކޮށްދީފައިވާ ކަމަށް ވަނީ ބުނެފައެވެ.
ކިޔުންތެރިންގެ ހިޔާލު