2022 ވަނަ އަހަރުގެ ވޯލްޑްކަޕްގެ ފުރަތަމަ މެޗުގައި ސަޢުދިޢަރަބިއްޔާއާއި ދެކޮޅަށް ކުޅުނު މެޗުން ބަލިވި ހަނދާން އެބަހުރިކަމަށާއި، އެހެންކަމުން އަލްޖީރިއާ މެޗަށް ނުކުންނާނީ އެކަން ހަނދާން ބަހައްޓައި ވަރަށް ފަރުވާތެރިވެގެންކަމަށް އާޖެންޓީނާގެ ކޯޗު ލަޔޮނަލް ސްކަލޯނީ ބުނެފިއެވެ.
މެޗުގެ ކުރިން ނޫސްވެރިންނާ ވާހަކަ ދައްކަމުން ކޯޗު ބުނޫ ވޯލްޑްކަޕް ކާމިޔާބުކުރީ ފަސްބެލުމެއް ނެތި ކުރި މަސައްކަތުންކަމަށެވެ. އެ ހަނދާންތައް އަދިވެސް ސިކުނޑީގައި އެބަހުރިކަން ފާހަގަކުރަމުން ކޯޗު ބުނީ އަލްޖީރިއާ އަކީ ވަރުގަދަ ޓީމެއްކަމަށާއި ފުރަތަމަ މެޗަކީ އެއްވެސް ގޮތަކުން ފަސޭހަ މެޗެއް ނޫންކަމަށެވެ.
ކޯޗު ބުނީ އާޖެންޓީނާ ޓީމުގެ ހުރިހާ ކުޅުންތެރިންވެސް ފިޓުކަމަށެވެ. ފޯވަޑް ހޫލިއަން އަލްވަރޭޒްގެ ކަކުލުގެ ތަދާއި ކީޕަރު އެމެލިއާނޯ މާޓިނޭޒްގެ އިނގިލީގައިވާ ރެނދު މިހާރުކަމަށާއި، ނަމަވެސް ފަލަމަސްގަނޑުގެ ތަދާހުރެ ޑިފެންޑަރު ނިކޮލަސް އޮޓެމެންޑީ މި މެޗުގައި ފެނުން ދުރުކަމަށް ކޯޗު ބުންޏެވެ.
އަލްޖީރިއާއާއި ދެކޮޅަށް ކުޅޭ މެޗަށްފަހު އާޖެންޓީނާގެ ގްރޫޕްގައި ދެން ވާދަކުރުން އޮންނާނީ އޮސްޓްރިއާއާއި ޖޯޑަންއެވެ.
ކިޔުންތެރިންގެ ހިޔާލު