ވެލާނާ އިންޓަރނޭޝަނަލް އެއަރޕޯޓުގެ ޓާމިނަލް 2 އާ ދިމާލަށް އޮންނަ މަގު މަރާމާތުކުރުމަށްޓަކައި، 16 ޖޫން އިން 25 ޖޫން އަށް އާރްޓީއެލް އެއަރޕޯޓް ބަސް ރޫޓަށް ބަދަލުގެނައުމަށް އެމްޓީސީސީ އިން ނިންމައިފިއެވެ.
އެމްޓީސީސީން ހާމަކޮށްފައިވާ ގޮތުގައި، މި މަސައްކަތް ކުރިއަށް ގެންދިއުމަށް ހަމަޖެހިފައިވަނީ ކޮންމެ ރެއަކު 00:00 އިން ފަތިހު 05:00 އާ ދެމެދުގައެވެ. މި ވަގުތުތަކުގައި ބަހުގެ ޚިދުމަތް ހޯދާ ފަރާތްތަކަށް ދަތިތަކެއް ކުރިމަތިވެދާނެތީ، ބަސް ދަތުރުކުރާ މަގުތަކަށް ވަނީ ވަގުތީ ބަދަލުތަކެއް ގެނެސްފައެވެ.
މި މުއްދަތުގެ ތެރޭގައި އެއަރޕޯޓަށް ދަތުރުކުރާ ފަސިންޖަރުން އަރުވައި ބޭލުމުގެ ކަންކަން ކުރިއަށް ގެންދާނީ ސައިކަލު ޕާކުކުރާ ސަރަހައްދުން ކަމަށް އެ ކުންފުނިން މަޢުލޫމާތުދެއެވެ. މި ބަދަލަކީ މަގު މަރާމާތުކުރުމުގެ މަސައްކަތް ކުރިއަށްދާ ވަގުތުތަކުގައި ފަސިންޖަރުންގެ ދަތުރުފަތުރުގެ ކަންކަން ވީހާވެސް އޮމާންކަމާއެކު ކުރިއަށް ގެންދިއުމަށް ގެނެވިފައިވާ ބަދަލެކެވެ.
ކިޔުންތެރިންގެ ހިޔާލު