ސިޔާސީ ހަމަޖެހުން ޤާއިމްކޮށް މި ޤައުމު ވެއްޓިގައި އޮތް އިޤްތިސާދީ އަނދަވަޅުން ނަގާ ކޮޅަށް ޖެހުމަށްޓަކައި މަސައްކަތް ކުރީ ޤައުމީ ވިސްނުމުގައިކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ޕީއެންސީ ޖަގަހާގައި ބޭއްވި ޖަލްސާގައި ވާހަކަފުޅު ދައްކަވަމުން ރައީސް ވިދާޅުވީ، އެ މަނިކުފާނު ޤަބޫލުކުރާ ފަލްސަފާއަކީ ޑިމޮކްރަސީގެ ރިވެތި މިސާލުން ޤައުމުގެ ކަންކަން ގެންދިޔުންކަމަށެވެ. ރައީސް ވިދާޅުވީ އިދިކޮޅު ފަރާތްތަކުން ސަރުކާރު ހިނގަން ތިބިއިރު މި ޤައުމުގެ އިޤްތިޞާދު އޮތީ ހީނަރުވެފައިކަމަށާއި، އެހެންކަމުން ވޭތުވެދިޔަ މުއްދަތުގެ ތެރޭގައި ވަށާޖެހޭ އިޤްތިސާދީ ސިޔާސަތެއް ތަންފީޒުކޮށްފައިވާނެކަމަށެވެ. އެ ސިޔާސަތުގެ ނަތީޖާއެއްގެ ގޮތުން މީގެކުރިން ނަގާފައިވާ ބޮޑެތި ދަރަނިތައް ދައްކާ ހަލާސްކުރަމުން އަންނަކަމަށްވެސް ވިދާޅުވިއެވެ. އެގޮތުން މިދިޔަ ދޮޅު މަހެއްހާ ދުވަހުގެ ތެރޭގައި ބިލިއަނެއްހާ ޑޮލަރުގެ ދަރަނި ވާނީ ދައްކާފައިކަމަށްވެސް ރައީސް ވިދާޅުވިއެވެ.
40 އަކަށް ދުވަސް ތެރޭގައި 974 މިލިޔަން ދެއްކުމުގެ ބުރަ މަސައްކަތް ކުރީ ޤައުމުގެ މުސްތަޤްބަލަށްޓަކައި. މި ހަޤީގަތް ބަދަލެއް ނުވާނެ. އެކަން އެގޮތައް ކުރުމުގެ ނަތީޖާއެއްގެ ގޮތުން މިހާރު ކޮންމެ ރައްޔިތެއްގެ ބޮލަށް އޭގެ ކުރިން ޖައްސާފައި އޮތް ދަރަނި އެތައް ތަނެއް ވަނީ ލުއިވެގެން ގޮސްފައި. އަންނަން އޮތް ޖީލުތަކަށްޓަކައި ޤައުމު މިދަނީ ސަލާމަތުގެ އައްސޭރިއަކަށް ގެންދެވެމުން . އެއީ ދިވެހިންގެ ރާއްޖޭގެ ޤެނައުމަށްޓަކައި ވީ ވައުދުތެރޭގައި ހިމެނޭ އެންމެ މުހިންމު ކަންތައް.
Advertisement
ރައީސުލްޖުމްހޫރިއްޔާ ވިދާޅުވިއެވެ.
ރައީސް ވިދާޅުވީ އެމަނިކުފާނަށް މުހިންމީ ރައްޔިތުންގެ އާންމު ދިރިއުޅުމުގެ ހާލަތު ރަނގަޅުކުރުންކަމަށެވެ. އެގޮތުން ކޮންމެ ރައްޔިތަކަށް ލިބޭ އާމްދަނީ އިތުރުކުރުމާއި ކޮންމެ ރައްޔިތެއްގެ އަސާސީ ބޯހިޔާވަހިކަން ކަށަވަރުކުރުމަކީ ސަރުކާރުގެ އަމާޒުކަމަށް ރައީސް ވިދާޅުވިއެވެ.
ކިޔުންތެރިންގެ ހިޔާލު