ރައީސުލްޖުމްހޫރިއްޔާ ޑެރ. މުޙައްމަދު މުޢިއްޒާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު، ސްރީލަންކާގެ ރައީސް އަނޫރާ ކުމާރާ ދިސާނަޔަކަގެ ދަޢުވަތަކަށް އެޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު މިއަދު ރާއްޖެ ވަޑައިގެންފިއެވެ.
2026 މޭ 3 އިން 6 އަށް ކުރެއްވި މި ދަތުރުފުޅަކީ ރައީސުލްޖުމްހޫރިއްޔާ ޑރ. މުޢިއްޒު މަޤާމާ ހަވާލުވެވަޑައިގަތުމަށްފަހު ސްރީލަންކާއަށް ކުރެއްވި ފުރަތަމަ ފުރަމާނަ ދަތުރުފުޅެވެ.
ސިޔާސީ ގުޅުމަށް 60 އަހަރު ފުރުން ފާހަގަކުރުން
ދެ ޤައުމުގެ ސިޔާސީ ގުޅުމަށް 60 އަހަރު ފުރުން ފާހަގަކުރުމުގެ ގޮތުން ޚާއްޞަ ގަސް އިންދުމުގެ ރަސްމިއްޔާތެއް މި ދަތުރުފުޅުގެ ތެރެއިން ބޭއްވުނެވެ. މީގެ އިތުރުން ސްރީލަންކާގެ ބޮޑުވަޒީރާއި، މަޖިލީހުގެ ރައީސާއި، ޚާރިޖީ ވަޒީރު ވަނީ ރައީސުލްޖުމްހޫރިއްޔާގެ އަރިހަށް އިޙްތިރާމްގެ ޒިޔާރަތްތައް ކުރެއްވައި، ދެ ޤައުމުގެ ގުޅުން އިތުރަށް ހަރުދަނާކުރުމާ ގުޅޭގޮތުން މަޝްވަރާކުރައްވާފައެވެ.
މެޑަމް ސާޖިދާ މުޙައްމަދު ވަނީ މި ދަތުރުފުޅުގައި ސްރީލަންކާގެ ކުޑަކުދިންގެ ހޮސްޕިޓަލަށާއި، އަންހެން ވިޔަފާރިވެރިންގެ މަސައްކަތްތައް ދައްކާލާ މަރުކަޒަކަށް ޒިޔާރަތްކުރައްވައި އެ ތަންތަނުގެ މަސައްކަތްތައް ބައްލަވާލައްވާފައެވެ. އަދި ރައީސުލްޖުމްހޫރިއްޔާގެ ދެމަފިރިން ވަނީ ސްރީލަންކާގައި ދިރިއުޅޭ ދިވެހި ރައްޔިތުންނާ ބައްދަލުކުރައްވައި، އެމީހުންނަށް ދިމާވާ ދަތިތަކާއި ޙާލު އޮޅުންފިލުއްވާފައެވެ.
ކިޔުންތެރިންގެ ހިޔާލު