ބ. ހިތާދޫ ބަނދަރު ހެދުމުގެ މަޝްރޫއުގެ އަމަލީ މަސައްކަތް ނިންމާލެވިފައިވާ ކަމަށް އެމްޓީސީސީ އިން ބުނެފިއެވެ.

އެމްޓީސީސީ އިން ބުނީ ހިތާދޫ ބަނދަރު ހެދުމުގެ އަމަލީ މަސައްކަތް މި މަހުގެ ހަތް ވަނަ ދުވަހު ނިންމާލެވިފައިވާ ކަމަށެވެ.

މި މަސައްކަތުގެ ދަށުން 22 މީޓަރުގެ ސަރަހައްދެއްގައި ގްރޮއިން ޖެހުމާއި، 495 މީޓަރުގެ ސަރަހައްދެއްގައި ބޭރުތޮށި ލުމާއި، 90 މީޓަރުގެ ސަރަހައްދެއްގައި ރިވެޓްމެންޓް ޖެހުމާއި، 350 މީޓަރުގެ ސަރަހައްދެއްގެ އެއްގަމުތޮށި މަރާމާތުކޮށްފައިވެއެވެ.

މީގެ އިތުރުން، ބްރިޖެއް ހެދުމާއި، 1750 އަކަ މީޓަރުގެ ސަރަޙައްދެއްގައި ހާބާ ޕޭވްމަންޓް ހެދުމާއި، ރޭމްޕެއް ހެދުމާއި، ކޮންކްރީޓް ޕްލެޓްފޯމެއް ހެދުމާއި، ނެރު ބައްތިއާއި ބަނދަރު ބައްތި ހަރުކުރުމުގެ މަސައްކަތް ވެސް ކޮށްފައިވެއެވެ.

މި މަޝްރޫއަކީ 2021 ވަނަ އަހަރު 25.3 މިލިއަން ރުފިޔާއަށް އެ ކުންފުންޏާ ހަވާލުކުރެވުނު މަޝްރޫއެކެވެ.