ދިފަޢީ ދާއިރާއިން ގުޅިގެން މަސައްކަތްކުރުމާއި އެއްބާރުލުން ދިނުމާ ގުޅޭގޮތުން ރާއްޖެއާއި ސަޢުދި ޢަރަބިއްޔާއާ ދެމެދު މަޝްވަރާކޮށްފިއެވެ.
މި މަޝްވަރާތައް ކުރައްވާފައިވަނީ ސަޢުދީ ޢަރަބިއްޔާއިން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު ޔަޙްޔާ ޙަސަން އަލްޤަހްތާނީ ދިފާޢީ އަދި ވަޠަނީ ޚިދުމަތާ ބެހޭ ވަޒީރު ޙަސަން ރަޝީދުގެ އަރިއަހަށް ކުރެއްވި އިޙްތިރާމްގެ ޒިޔާރަތުގައެވެ.
މި ބައްދަލުކުރެއްވުމުގައި ކުރެއްވި މަޝްވަރާތަކުގައި ބޮޑަށް އަލިއަޅުވާލާފައިވަނީ ދެ ޤައުމުގެ ދިފާޢީ އެއްބާރުލުން ހަރުދަނާ ކުރުމާ ގުޅޭގޮތުންނެވެ. މި ބައްދަލުވުމުގައި ވަޒީރު ވަނީ، ރާއްޖޭގެ ދިފާޢީ ދާއިރާ ހަރުދަނާ ކުރުމަށް ސަޢުދީ ޢަރަބިއްޔާގެ ސަރުކާރުން ދެއްވަމުން ގެންދަވާ އެއްބާރުލުން ފާހަގަކުރައްވާ އެކަމުގެ އަގުވަޒަން ކުރައްވާފައެވެ.
Ambassador of the Kingdom of Saudi Arabia His Excellency Yahya Hassan Alqahtani made a courtesy call on Minister of Defence and National Service today.
Discussions focused on strengthening the defence cooperation between the two brotherly nations.
Minister appreciated the… pic.twitter.com/7PuwO1vI92
— Ministry of Defence and National Service (@MoDmv) April 27, 2026
މި ސަރުކާރުގެ ޚާރިޖީ ސިޔާސަތުގެ ތެރެއިން އެންމެ ގާތް އެއް ޤައުމަކީ ސަޢުދި ޢަރަބިއްޔާއެވެ. ސަޢުދީންވެސް އަންނަނީ ރާއްޖެއާމެދު ޚާއްޞަ ނަޒަރިއްޔާތަކުން ގާތް އަޚްވަންތަ ގުޅުމެއް ބާއްވަމުންނެވެ. ޚާއްޞަކޮށް ޙައްޖުގެ ކަންކަމުގައި އެޤައުމުން ރާއްޖެއަށް އެހީތެރިކަން ފޯރުކޮށްދެމުން ގެންދެއެވެ.
ކިޔުންތެރިންގެ ހިޔާލު