ށ. ފޯކައިދޫގެ މަގުތައް ޒަމާނީ ފެންވަރަށް ތަރައްޤީކުރުމުގެ މަސައްކަތަށް ސާރވޭކުރަން އާރުޑީސީން ފަށައިފިއެވެ.
އާރުޑީސީން ބުނީ ފޯކައިދޫގެ ބޮޑެތި މަގުތައް ތަރައްޤީކުރަން ފަށާފައިވާކަމަށެވެ. އެގޮތުން މިހާރު އެކަމަށް ބޭނުންވާ ދިރާސާ ފަށާފައިވާކަމަށާއި، މަގު ހެދުމުގެ މަސައްކަތަށް އެރަށުގައި ޤާއިމުކުރާ ސައިޓު އެޅުމަށް ބޭނުންވާ ސާމާނު މިހާރު އެރަށަށް ފޮނުވާފައިވާ ކަމަށެވެ.
މި މަޝްރޫޢަކީ ސަރުކާރުގެ ބަޖެޓުން ޖުމްލަ 80.8 މިލިޔަން ރުފިޔާ ޚަރަދު ކޮށްގެން ކުރިޔަށްގެންދާ މަޝްރޫޢެކެވެ. މި މަސައްކަތް އާރްޑީސީއަށް ޙަވާލުކޮށްފައިވަނީ، 730 ދުވަހުގެ ތެރޭގައި ނިންމާ ގޮތަށެވެ.
ޕަބްލިކް ސެކްޓަރ އިންވެސްޓްމަންޓް ޕްރޮގްރާމްގެ ދަށުން، ށ. ފޯކައިދޫގެ މަގުތައް ޒަމާނީ ފެންވަރަށް ތަރައްޤީކުރުމުގެ މަޝްރޫޢުގެ އަމަލީ މަސައްކަތް ފެށުމަށްޓަކައި ކުރަންޖެހޭ ސާރވޭގެ މަސައްކަތްތައް ދަނީ ކުރަމުން.#TeamRDC pic.twitter.com/uWiyMzoRT0
— Road Development Corporation Ltd (@rdcmaldives) April 17, 2026
މިދިޔަ އަހަރުގެ އޮކްޓޫބަރުމަހު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެރަށަށް ވަޑައިގެން، އެރަށުގެ ރައްޔިތުންނާ ބައްދަލުކުރެއްްވުމަށް ބޭއްވި ރަސްމިއްޔާތުގައި ވަނީ އެރަށުގެ މަގުތައް ޒަމާނީ ފެންވަރަށް ތަރައްޤީކުރާނެކަމަށް ވިދާޅުވެފައެވެ. މަގުތައް ތަރައްޤީކުރުމަކީ އެރަށުގެ ވިޔަފާރިތަކަށާއި، އިޖުތިމާއީ ކަންކަމަށް އަންނާނެ ކުރިއެރުމެކެވެ.
ކިޔުންތެރިންގެ ހިޔާލު